پارچەیەک خاکA Piece Of Land ناوی ئەو کورتە فیلمەیە کە بەشداری چەندین ڤیستیڤاڵی جیهانی کردووە و تاوەکو ئێستاش لە ڤیستیڤاڵەکان وەک پاڵێوراو بۆ وەرگرتنی خەڵات وەردەگیرێت.

فیلمی "پارچەیەک خاک" کورتە فیلمێکی سێ خولەکییە و لە شاری سلێمانی لە مانگی حوزەیرانی ٢٠١٩ لەلایەن فیلمساز "ڕەنجە عەلی"ـیەوە بەرهەمهێنراوە، فیلمەکە بەشداری چەندین ڤیستیڤاڵی گرنگی جیهانی کردووە لە ساڵی ٢٠١٩ و ٢٠٢٠ و تەنانەت لە ڤیستیڤاڵە جیهانییەکانی تایبەت بە کورتە فیلم بۆ ساڵی ٢٠٢١ وەردەگیرێت و دەپاڵورێت بۆ وەرگرتنی خەڵاتەکان، لە دیارترین ئەو ڤیستیڤاڵانەی بەشداری تێدا کردووە ئەمانەن:

Southampton Film Week - United Kingdom - 2019

Euro shorts Young Filmmakers - Poland - 2019

Reel Youth Film Festival - Canada - 2020

The Lift-Off Sessions - United Kingdom pinewood studios - 2021

Fear No Film - united states - 2021

New York Lift-Off Film Festival - Brooklyn New York – 2021

ئەو خەڵاتانەی کە بەدەستی هێناون ئەمانەن:

یەکەم: براوەی خەڵاتی کورتە فیلمی ئەزموونی(Independent short awards- Hollywood- Los Angeles 2021 )

دووەم: براوەی خەڵاتی یەکەمی فیلمی ئەزموونی(Glories Movie awards- Italy 2019)

سێیەم: خەڵاتی یەکەمی کورتە فیلمی ئەزموونی(Scout Film Festival- United States 2020)

ڕەنجەی تەمەن ٢١ ساڵ لەبارەی کارەکانیەوە بە دیجیتاڵ میدیای ئێن ئاڕتی ڕاگەیاند، کە خولیای هونەری سینەما لەلای ئەو لەوێنەگرتنەوە دەستی پێکردووە لە تەمەنی ١٦ ساڵییەوە و پاشان نوسینی چیرۆک و تۆمارکردنی ڤیددیۆی کورت کورت و پاشان لە ساڵی ٢٠١٧ یەکەم فیلمی دروست کردووە بە ناوی Same room و لە دوو ڤیستیڤاڵی ئەمریکا وەرگیراوە و پاشان لەگەڵ چەندین تیمی بیانی کاری دروستکردنی فیلمی کردووە.

لەبارەی خوێندنی ئەکادیمیەوە ڕەنج پێی ڕاگەیاندین کە تا قۆناغی ١٢ی ئامادەیی خوێندووە و لەدوای ئەوەوە هەستی نەکردووە ئامادەی تەواو کردنی چوونە زانکۆ بێت بەڵکو پێی باشتر بووە کە لە ڕیگەی ئەزموون و کارکردنی خۆی و کارکردن لەگەڵ کەسانی بە ئەمزووندا هەڵنژێرێت بەمەبەستی کارکردن لە بواری دروستکردنی فیلم و گرتنی فۆتۆی سەر شەقام کە چێژێکی تایبەتی پێ دەبەخشن.