رەنگە پێشتر بیستبێتت کە پێستی تەندروست پەیوەندی بە تەندروستیی ناوەوەی جەستەوە هەیە، بۆیە ئەو خواردنانەی کە دەیانخۆین کاریگەرییان لەسەر پێستیمان دەبێت و رەنگە ببنە هۆی زوو پیربوونیی، لەکاتێکدا هەندێک جۆری خواردنەکان وادەکەن پێست تەندروست بێت و بە گەنجی بمێنێتەوە.

هەندێك لە خواردن و خواردنەوەکان کاریگەریی دژە هەوکردنیان هەیە، لەکاتێکدا هەندێکی دیکەیان هەوکردنەکان زیاتر دەکەن.

ئەو خواردنانەی کە زیانیان بۆ تەندروستیی هەیە هەمان کاریگەریی خراپنیان لەسەر هەوکردنەکانی پێست دەبێت و وادەکەن تەندروست نەبێت و زووتر نیشانەکانی پیری لەسەر دەربکەوێت بۆ نمونە:

- ئەو خواردنانەی کە دەوڵەمەندن بە شەکر، وەك شیرینییەکان، کێك، کوکیز، خواردنەوە گازییەکان وقاوە.

-گۆشتی سوور و گۆشتی دروستکراو.

- خواردنە چەور و سوورکراوەکان.

- چەوری تێر کە لە کەرە و قەیماغ و گۆشتی چەوردا هەیە.

- رۆنی روەکی و زەیتەکان.

- خواردنە توونەکان.

- خواردنە دروستکراوەکان کە بۆیەیان تێدایە.

ئەو خواردنانەی پێست ئارامدەکەنەوە:

- میوە و سەوزە.

- زەیتی سروشتی کە لە زەیتی زەیتون، ئەفۆکادۆ و چەرەزاتەکان وەرگیرابێت

- هەندێك جۆری ماسییەکان وەك سەلەمون و سەردین

- کاربۆهیدراتی تەندروست وەك دانەوێڵە تەواوەکان و کولەکەزەردە و شاتوو

- چەرەزاتەکان وەك گوێز و بادەم

- ئاو