بەپێی توێژینەوەیەک کە لەسەر رۆناڵدۆ کراوە یاریزانەکە وەک کەسێکی 28 ساڵان دەردەکەوێت نەک 40 ساڵان.

کۆمپانیای ئەمریکی وۆپ، کە کریستیانۆ ڕۆناڵدۆ یەکێکە لە سەرمایەدارە سەرەکییەکانی، رایگەیاند کە تەمەنە فیزیۆلۆژییەکەی سوپەرستارە پورتوگالییە 40 ساڵانەکە تەنها 28 ساڵە؛ واتە کاردانەوەی لاشەی و پێکهاتەی لاشەی 12 ساڵ لە تەمەنی خۆی کەمترە.

بە پشتبەستن بەو زانیاریانەی لە ملوانکە زیرەکەکەیەوە کۆکراونەتەوە، کۆمپانیاکە بانگەشەی ئەوەی کردووە کە ڕۆناڵدۆ لە ئاستی نایابدایە لە ڕووی هەوکردنی جەستەیی و بەکارهێنانی وزەی کارا و ئۆکسجین و کۆنترۆڵکردنی گۆڕانکاری خۆراکەوە، تەنانەت نمرەی گونجاوی لە نیشاندەرەکانی وەک هەستیاری ئەنسۆلین و هیمۆگلۆبین بەدەستهێناوە.

ئەفسانەکە ئەم هەواڵەی لە سۆشیال میدیا بڵاوکردەوە و نووسیویەتی: داتاکان درۆ ناکەن.

کۆمپانیاکە کە ڕۆناڵدۆ یەکێکە لە گەورەترین وەبەرهێنەکانی و ناوبانگی ئەفسانەکە بەکاردەهێنێت بۆ بڵاوکردنەوەی ئەو پەیامەی کە دەڵێت: دەتوانیت بە وەرزشکردن و باش خەوتن و خواردنی دروست پیربوون دوابخەیت.