بە ڕێکەوت سێ برا کۆپییەکی ژمارە یەکی گۆڤاری سوپەرمانیان لەناو کەلوپەلی دایکی
کۆچکردوویان دۆزییەوە.
بەپێی هەواڵێکی
ماڵپەڕی " RT Arabic"، ئەو سێ برایە لە کاتی پاککردنەوەی ماڵی دایکی کۆچکردوویان لە
سانفرانسیسکۆ سندوقێکی کارتۆنییان لەژێر تۆز و خۆڵدا دۆزیوەتەوە کە کۆپییەکی سوپەرمانی
تێدابووە و مێژووەکەی بۆ ساڵی ١٩٣٩ دەگەڕێتەوە.
جێگەی باسە پێشتر دایکی کۆچکردوویان ئاگاداری
کردبوونەوە کە خاوەنی کۆمەڵێک گۆڤاری بەنرخە کە خۆی و براکەی پێش جەنگی جیهانی
دووەم کۆیانکردووەتەوە، بەڵام کوڕەکانی هەرگیز گرنگییان پێنەداوە تا خانووەکەیان
خستووەتە بازاڕەوە بۆ فرۆشتن و بڕیاریاندا بە کەلوپەلەکانیدا بگەڕێن و پاکی بکەنەوە.
دوای دۆزینەوەی سندوقەکە راستەوخۆ براکان
پەیوەندییان بە خانەی زیادکردنەکەوە کردووە، دوای پشکنین دەرکەوتووە کە ئەمە ژمارە
یەکی گۆڤارەکەیە و لە ساڵی ١٩٣٩ لەلایەن
کۆمپانیای دیتێکتیڤ کۆمیکسەوە بڵاوکراوەتەوە.
بەپێی
وتەی لۆن ئالن، جێگری سەرۆکی کۆمپانیای هێریتاج ، لە یەکێک لە زیادکردنەکانی ویلایەتی
تەکساس بە بڕی ٩.١٢ ملیۆن دۆلار فرۆشراوە.