توێژەران لە مەکسیک پێکهاتەیەکی گەورەی مادیان دۆزیوەتەوە کە وەکو نەخشەی گەردوونی دیزاین کراوە و نوێنەرایەتی نەخشەیەکی ئەندازەیی گەردوون دەکات، بەپێی داتاکانی ئەم دواییە تەمەنی نزیکەی ٣٠٠٠ ساڵە.

گۆڤاری " Science Focus" ئاماژە بەوە دەکات کە زانایان پێیان وایە ئەم پێکهاتەیە بۆ چاودێریکردنی دۆخی ئاسمانی و مۆدێلکردنی پێکهاتەی گەردوون بەکارهاتووە.

شوێنەوارناسانی زانکۆی ئەریزۆنا بۆیان دەرکەوت کە ئەو خەندەقە گەورەیە کە لە سەرەتادا شێوەی خاچ بووە، بەشێکە لە پێکهاتەیەکی گەورە و بەیەکەوە گرێدراو، کۆی قەبارەی نزیکەی ٣.٨ ملیۆن مەتر سێجایە، کە یەکسانە بە ١.٥ هێندەی قەبارەی هەرەمی گەورەی جیزە لە میسر.

بە گوێرەی توێژەر جەیمس دۆیل، ئەم پێکهاتە یەکتربڕانە و هێماسازیی ڕەنگەکان ڕەنگدانەوەی ئەوەیە کە کۆمەڵگا سەرەتاییەکان چۆن پەیوەندییە فەزاییەکانیان لەگەڵ ئاودا ڕێکخستووە، چ لە ڕووی کردەیی و چ لە ڕووی ڕێوڕەسمییەوە.

توێژەران ئاماژە بەوە دەکەن کە ئەم پێکهاتەیە لەلایەن گروپێکی تایبەتەوە دروست نەکراوە، چونکە دروستکردنی پێویستی بە بەشداری هەزاران کەس هەبووە لە ماوەی چەندین ساڵدا، پێدەچێت وەک شوێنێک بۆ بازرگانی و ئەنجامدانی ڕێوڕەسمەکان بەکارهاتبێت.