هونەرمەندی
گۆرانیبێژ بەهجەت یەحیا نوێترین بەرهەمی خۆی بە ناوی " بەس نیە تۆ هەیت"
بڵاودەکاتەوە.
بەهجەت یەحیا
لە نوێترین بڵاوکراوەیدا لە تۆڕی کۆمەڵایەتی فەیسبوک رایگەیاند نوێترین بەرهەمی
بەناوی "بەس تۆ هەیت" بڵاودەكاتەوە، نوسیویەتی " بەرهەمی نوێ بۆ
یەکەمجار ، بەو هیوایەی بتوانێت لەدڵی ئێوەی ئازیزدا جێگایەك بۆ خۆی بکاتەوە، ڕۆژی
پێنج شەممە ڕێکەوتی 5.6.2025 کاتژمێر حەوتی ئێوارە بەکاتی کوردستان و کاتژمێر شەشی
ئێوارە بەکاتی ئەوروپا، گۆرانیەکی نوێمان بەناوی (بەس نیە تۆ هەیت) لێرەوە پەخش
دەبێت".
بەهجەت یەحیا هونەرمەندێکی
دیاری باشووری کوردستانە و لە ساڵی ١٩٦٥ لە گەڕەکی کانی ئاسکانی شاری سلێمانی لەدایکبووە، لە تەمەنێکی بچووکدا خۆشەویستی بۆ
گۆرانی و مۆسیقا گەشەی کردووە و یەکەم گۆرانی خۆی لە ساڵی ١٩٨٥ تۆمار کرد و
دەستیکردووە بە چالاکی هونەری،بەدرێژایی ژیانی هونەری چەندین
کۆنسێرتی لە ئاستی ناوخۆیی و نێودەوڵەتیدا ئەنجامداوە، خاوەنی چەندین بەرهەمی
هونەرییە.