توێژینەوەیەکی نوێ ئاشکرایکردووە کە نهێنی پەروەردەکردنی منداڵیکی سەرکەوتوو بۆ دایک و باوکان بریتییە لە"گەشبینی"، چونکە رەشبینی دەردێکی خراپە و دەکرێت لە دایک و باوکانەوە بگوازرێتەوە بۆ منداڵەکانیان.

بەپێی هەواڵێکی ماڵپەڕی سکای نیوز عەرەبی، توێژینەوەیەک کە لە زانکۆی شیکاگۆ کراوە، بە پشت بەستن بە راپرسییەک لە گۆڤاری وال ستریتدا کراوە، دەریخستووە ٪٧٨ دایک و باوکانی ئەمەریکی متمانەیان بە باشتربوونی دۆخی ژیانی منداڵەکانیان نییە لە خۆیان.

توێژینەوەکە ئاشکرایکردووە، کە گەشبینی دایک و باوکان یارمەتی منداڵەکانیان دەدات گەشە بکەن، لەکاتێکدا هەستە نەرێنییەکان وایان لێ دەکات ئارەزوو و هیواکانیان لەدەست بدەن.

هەر بۆ ئەو بەمەستە دەرونناس و راوێژکارێکی پەروەردەیی "نیهایە ئەلریماوی" ئاماژەی بەوەدا،"منداڵان لە دایک و باوکیانەوە فێردەبن، بۆیە دەبێت ئاگاداری هەڵسوکەوتەکانمان بین بۆ ئەوەی خەم و رەشبینییەکانمان بۆ منداڵەکان نەگوازرێنەوە."

هەروەها وتیشی، کاتێک منداڵ هەست بە خەمباری و نائومێدی دەکات دەبێت یارمەتیان بدەین هەست بکەن کە ئەو هەستانە شتێکی ئاسایین و هەموو مرۆڤێک هەستیان پێدەکات.