کیسەڵەکان بە گشتی ناسراون
بەوەی بە خاوی بەرێگادا دەڕۆن، هەربۆیە بڵاوبونەوەی ڤیدیۆی چەند کیسەڵێک کە بە خێرایی
بەرێگادا دەڕۆن بە زوویی بڵاوبوویەوە و بووە جێی سەرنجی هەمووان.
لە هەواڵێکی ماڵپەڕی
"روسیا تودەی"، باس لە راستی ڤیدیۆی راکردنی شەش کیسەڵ کرا کە بە خێرایی
رادەکەن و دەسوڕێنەوە، هەمووان سەریان لەوە دەسوڕما کە چۆن کیسەڵ بەو خێراییە رادەکات،
دواتر دەرکەوت کە ئەمە کارێکی ڤیدیۆیی سێ دوورییە و "ڤێرنون جەيمس
مانلاباز" پسپۆڕی دروستکردنی ڤیدیۆیی سێ دووریە و گرتە ڤیدیۆکە راستی نیوە و
دەستکاری کراوە.
ڤێرنون بەردەوام ڤیدیۆی لەو جۆرە دروست دەکات و وەک
کارێکی هونەری تایبەت لە هەژماری خۆی لە ئینستاگرام بڵاویاندەکاتەوە.