منداڵێکی میسری توشبووی نەخۆشی شێرپەنجە دوای گیان لەدەستدانی وەسێتنامەکەی
دۆزرایەوە و وشەکانی ناو وەسێتنامەکەی هەست و سۆزی گەلی میسری بەلای خۆیدا راکێشا
و گەورەکانی لە چۆنێتی مامەڵکردن لەگەڵ منداڵی نەخۆشدا ئاگادار کردەوە.
بەپێی هەواڵێكی ماڵپەڕی "سکای نیوز"، مارینای هەشت ساڵ پێش مردنی
وەسێتنامەیەکی بەجێهێشتووە و تیایدا نوسیویەتی "من بەم نزیکانە دەمرم، دڵنیام
لەوە، دەنگێک هەیە کە پێم دەڵێت بەم نزیکانە دەمرم."
مارینا لە وەسێتنامەکەیدا داوای کردوە کە جگە لە دایکی و چەند ئەندامێکی
خانەوادەکەی لەکاتی شۆردنی تەرمەکەیدا نەیبنن و هەر ئەوانیش جلوبەرگەکەی بۆ بگۆڕن.
مارینا بە دایکی وتووە "جلوبەرگی رەش لەبەر نەکات و نەشگری و تەماشای
تەلەڤزیۆن بکەن." داوای لە خانەوادەکەشی کردوە کێک و بسکیت و شیرینی بگێڕن.
مارینا چەند ساڵێک بوو توشی شێرپەنجەی ژێر زمان بوو بوو، هەرچەندە پزیشکەکانی
هەوڵیاندا بە نەشتەرگەری و چارەسەری کیمیایی ژیانی رزگار بکەن، بەڵام هەموو
هەوڵەکان بێ سوود بوو.
ئەم نامەیە کە چەند مانگێک بەر لە مردنی نوسیویەتی هۆشدارییەکە بۆ هەمووان
کە هەستیارتر لەگەڵ منداڵی نەخۆشدا مامەڵە بکەن و شتێک نەکەن کە ببێتە هۆی بێ هیوا
بوونی منداڵەکە.