ڕێوڕەسمی عاشورا لە کەرکوک بەڕێوەچوو

2018-09-21

11541 جار خوێندراوەتەوە

+ -

زیاتر لە ١٣٧٩ساڵی ته‌واو به‌سه‌ر کوژرانی ئیمام حوسێندا تێپه‌ڕ بووە، كه‌چی هێشتا لای شیعه‌كان پرسە و سنگكوتین و قژڕنین بۆ ئه‌م ماجەرایە‌‌، ئه‌ڵێی بۆ كه‌سێكه‌ كه‌ هێشتا خوێنه‌كه‌ی وشك نه‌بووبێته‌وه ‌و كفنه‌ سپییه‌كه‌ی زه‌رد نه‌كردبێت.

رۆژی عاشورا، ئه‌و ڕۆژه‌ی‌ حسێنی كوڕی عه‌لی ئامۆزای پێغەمبەر محەمەد (درودی خوای لەسەربێت) لەگەڵ ٧٢ کەسی دیکەدا له‌ دەشتی كه‌ربه‌لادا كوژران و ئه‌و رۆژه‌ش له‌لایه‌ن شیعه‌ مه‌زهه‌به‌كانه‌وه‌ به‌ رۆژی ماته‌مینی و خه‌م داده‌نرێت.

ساڵانە لەم ڕۆژەدا پەیڕەوانی مەزهەبی شیعە بە کورد و عەرب و تورکمانەوە بە شینگێران و لەخۆدان مەراسیمەکە بەڕێوەدەبەن، شێخ و ئیمامی حوسینیەکان لە کەرکوک داوادەکەن پەرپرسانی سیاسی خۆیان ئاشتی و برایەتی نێوانیان لەگەڵ نەتەوەو ئاینەکانی تر تێک نەدەن کەئێستا هەوڵی بۆدەدریت

ئەو کوردانەی بەشدارییان لە مەراسیمەکەدا کرد، کوردی فەیلین، کە نوێنەرەکانیان دەڵێت پشت گوێخراون و ناتوانن ڕێو رەسم و بۆنە ئاینیەکانیان ئەنجام بدەن.

بەشێک لە مێژوونوسانیش دەڵێن، کوشتنی ئیمام حسێن یەکێکە لە گەورەترین رووداو و کارەساتەکان لە  مێژووی موسوڵماناندا و ئەو ڕووداوە شوێنكه‌وتوانی ئیسلامی كرد بە دوو بەرەوە، یه‌كێك شیعە و ئه‌وی دیکەش سوننه مەزهەب.‌