چۆنێتی بەکارهێنانی توێکڵی پەتاتە بۆ نەمانی سپێتی قژ

2020-11-28

98660 جار خوێندراوەتەوە

+ -

زۆر کەس لە تەمەنێکی زوودا تاڵی سپی لە قژیاندا دەڕوێت کە هۆکارە بۆ گەورە دەرکەوتنیان و هەستکردن بە بێزاریان، بۆ نەمانی بۆیەی قژ بەکاردەهێنن بەڵام دەکرێت چیتر توێکڵی پەتاتە فڕێ نەدەن و بۆ ئەم مەبەستە بەکاریبهێنن.

ماڵپەڕی ئەنوسە لە بابەتێکدا ئاماژەی بە چۆنێتی بەکارهێنانی توێکڵی پەتاتە کردووە بۆ نەمانی تاڵە سپییەکانی قژ، بۆ بەکارهێنانیشی دەتوانیت یەکێک لەم دوو ڕێگەیە تاقیبکەیتەوە:

ڕێگەی یەکەم:

-سەرەتا دوو سەلک پەتاتە بۆ ماوەی ٢٠ خولەک لەناو ئاودا و لەسەر ئاگر بیکوڵێنە.

-دوای کوڵاندنی توێکڵەکانی لێبکەرەوە و بیدە لە عەسارە، بەڵام بەبێ پەتاتەکە.

-قژەکەت وەک جاران بیشۆ و دواتر توێکڵی پەتاتەکەی لێبدە.

-ڕێگە بدە بۆ ماوەی ١٥ خولەک پێوەی بێت، دواتر بە ئاو لێی بکەرەوە.

-بۆ نەمانی بۆنی پەتاتەکە دەتوانیت بەلسەم "نەرمکەرەوەی قژ" یان ماسکی تایبەت بە قژ بەکاربهێنیت.

ڕێگەی دووەم:

توێکڵی پەتاتەکان لێبکەرەوە و بیکەرە مەنجەڵێکی پڕ لە ئاو بیکوڵێنە، دوای کوڵاندنی بیپاڵێوە و ئاوەکەی بدە لە قژ، هەنگاوەکانی دواتری وەک ڕێگەی یەکەم جێبەجێ بکە.

How To Grow Hair Faster With Potato Juice

ئ.ل