هونەرمەندێکی ناسراوی میسری کۆچی دوایی کرد

2020-07-05

9466 جار خوێندراوەتەوە

+ -

هونەرمەندی میسری و نمایشکاری پێشوو، رەجا جەداوی لە تەمەنی ٨٢ ساڵیدا لە نەخۆشخانەی ئیسماعیلییە کۆچی دوایی کرد.

دوا بەدوای مردنی ئەم خانمە هونەرمەندە، ئەمیرە موختاری کچی لە هەژماری تایبەتی خۆی لە فەیسبووك نوسیویەتی: " إنا لله وإنا إليه راجعون دایکم کۆچی دوایی کرد"، هەروەها سەندیکای هونەرمەندانی میسریش بە راگەیەندراوێك سەرەخۆشی لە خێزانەکەی کردووە.

رەجا جەداوی ساڵی ١٩٣٨ لەدایكبووە و ناوی نەجات عەلی حەسەن جەداوی بووە، لەماوەی منداڵیدا لەگەڵ پوریدا ژیاوە کە ئەکتەر و سەماکاری کاریوکا بووە، هاوسەرگیریی لەگەڵ حەسەن موختاری گۆڵچی یانەی ئیسماعیلی بۆ تۆپی پێ کردووە و یەك کچیان بووە.

سەرەتا دەستی بە کاری نمایشکاری جلوبەرگ کردووە دواتر وەك ئەکتەر رۆڵی لە دراما و فیلم و شانۆدا بینیوە، یەکەم ئەو فیلمانەی رۆڵی تێدا بینیون بریتیبوون لەمانە: (دعاء الكروان) و (إشاعة حب) و(ثمن الغربة) و(أيام في الحلال) و(بريق عينيك) و(عاد لينتقم) و(الوحل) و(البيه البواب) و(تيمور وشفيقة) و(الثلاثة يشتغلونها) و(كركر) و(مراتي وزوجتي) و(من 30 سنة).

پەیوەندییەکی بەهێزی هەبووە لەگەڵ ئەکتەری کۆمیدی عادل ئیمامدا و لەزۆرینەی فیلمەکانیدا بەشداری کردووە وەك فیلمی (حنفي الأبهة) و دراماکانی (أحلام الفتى الطائر) و(عوالم خفية) و شانۆی (الواد سيد الشغال) و(الزعيم).

لە دیارترین دراما تەلەفیزیۆنەکانیش کە بەشداری تێدا کردوون بریتین بوون لە، (هند والدكتور نعمان) و(أوان الورد) و(تامر وشوقية) و(نونة المأذونة) و(عائلة الحاج متولي) و(شربات لوز) و(يوميات زوجة مفروسة أوي) و(في غمضة عين) و(لعبة النسيان).

هەروەها لەبواری پێشکەشکاری تەلەفیزیۆن و رادیۆدا کاریکردووە، هەروەها لەگەڵ پێشکەشکار عەمرو ئەدیبدا بەشداریکردووە لە پێشکەشکردنی بەرنامەی (الحکایة) لە کەناڵی ئێم بی سی میسری.

خالتها رفضت دخولها الفن ولها ابنة واحدة وهذا العمل هو الأصعب | مصراوى

رجاء الجداوي تتلقى البلازما لهزيمة كورونا