سەردێڕ:

وێنە.. مەراسیمی جەژنى چلەی هاوینی لە ناوچەى زەردۆیی ڕۆژهەڵاتی کوردستان ​

جەژنى  چلەی هاوین یەکێکە لە بۆنە مێژوویەکانى ناوچەى  زەردۆیی لە ڕۆژهەڵاتی کوردستان و ساڵانە لە لایەن خەڵکی ئەو گوندە سەرکەش و دڵرفێنەى کوردستان  دەکرێتەوە، کوڕان و کچان و بە جلوبەرگری کوردی ئاڵا و واڵاوە و بە دەم دەفڵێدانەوە چەند چالاکییەک ئەنجامدەدەن.

جەژنى  چلەی هاوینی کە هەندێک جاریش بە نەورۆزی هاوین ناو دەبرێت چەند مراسیمێکى تایبەت و یاری وخۆشی گێرانى تیادا ئەنجامدەدرێت، وەک لە وێنەکان دەردەکەوێت ئامادەبووانى جەژنەکە بە  هەڵپەڕکێ و  گۆرانی وتنی فۆلکلۆری کوردی چەند کاتێک بەسەر دەبن.

هەر لە جەژنەکەدا مەراسیمی شەڕە ئاو خۆ خستنە ناو ئەو ئاوە سازگارەى کە بە گوندى  ڕوان  و گوندەکانى دەروبەریدا تێپەڕدەبێت  ئەنجامدەدرێت.

زۆر جار لەم جەژنەدا خەڵکی وەک سوپاس گوزاری خوداوەند و نەمانی جیاوازی لە نێوان دەوڵەمەند و هەژار و ژنان و پیاوان  نان و خواردنەکانی خۆیان لە ماڵەکانیانەوە هێناوە بۆ مەیدانێکى سەوز و بە کۆمەڵ پێکەو نانیان خواردووە.

هـ،ڕ

فۆتۆ : فەریبورزی  عەزیزی 

35333 جار بینراوە