هاوکات، دکتۆر ئالان تانبی پزیشکی نەشتەرگەر روونیکردەوە، "بلۆکێک لە خوێن دروست دەبێت کە رێگرە لە گەیشتنی خوێن بە خاڵێکی دیاریکراو لە جەستەدا و دەبێتە هۆی هەستکردن بە ساردی لە دەستدا"، وتیشی، بەرکەوتنی دەست بەسەرما دەبێتە هۆی تەسکبوونەوەی بۆری خوێن و کەمبوونەوەی رۆیشتنی خوێن بۆ دەستەکان.

دەکرێت چەند هۆکارێکی دیکەش هەبێت کە ببنە هۆی سەرمابوونی دەستەکان و لەوانەیە ببێتە هۆی ئازار لە دەستەکان، کە پێویستە چاودێری بکرێن چونکە لەوانەیە کێشەی تەندروستی زیاتر ئاشکرا بکەن، لەوانە:

یەکەم: سیندرومی راینود، کە حاڵەتێکە و دەبێتە هۆی گرژبوونی دەمارەکانی خوێن لە دەست و پەنجەکان کاتێک مرۆڤ لە کەشێکی سارددایە یان فشاری لەسەرە.

دووەم: نەخۆشی شەکرە، دەکرێت ئەو کەسانەی نەخۆشی شەکرەیان هەیە توشی نەخۆشی دەماری یان زیانی دەماربن کە دەبێتە هۆی هەستی ئازار لە دەست و قاچەکاندا.

سێیەم: ئەنیمیا یاخود کەمخوێنی، ئەگەر لە دەست یان قاچتدا هەستت بە سەرما لەگەڵ ماندووییەکی زۆر کرد، توشی کورتبوونی هەناسە و گێژبوون ببیت، ئەمە لەوانەیە نیشانەی کەمخوێنی بێت، چارەسەری ئەم کێشەیە تەنها پێویستی بە وەرگرتنی ئاسنی پێویست هەیە.

چوارەم: بوونی کێشە لە غودەکاندا، بوونی کێشەی غودەکان بە هۆکاری باوی ساردی دەستەکان هەژمار دەکرێن، هاوکات، ئەم حاڵەتە کاتێک روودەدات کە غودەکان هۆرمۆنی تەواو بەرهەم ناهێنن و خێرایی میتاپۆلیزم لە لەشدا خاو دەکاتەوە، مرۆڤ لەوانەیە هەستیارتر بێت بۆ پلەی گەرمی نزم.

پێنجەم: وەرگرتنی هەندێک دەرمان، ئەگەر دەستەکانت ساردبن دوای وەرگرتنی دەرمانێکی نوێ، هەندێک لە دەرمانەکان توانایان هەیە بۆ هاندانی نەخۆشی جۆری دووەمی رینۆید وەک دەرمانەکانی رێگری سکپڕی و دەرمانەکانی دژە هەوکردن و ئەنفلەوەنزا.