AM:10:26:24/01/2022
4688 جار خوێندراوەتەوە
بەڕێوەبەرایەتی گشتی کەشناسی و بومەلەرزەزانی هەرێم رایگەیاند، قەزای پێنجوێن ساردترین ناوچەی هەرێم بووە و پلەکانی گەرما بۆ ١٦ پلە ژێر سفر دابەزیوە، لەکاتێکدا دوێنێ ٢٥ پلە ژێر سفر بووە.
ئەمڕۆ دووشەممە، بەڕێوەبەرایەتی گشتی کەشناسی و بومەلەرزەزانی هەرێم نەخشەی ناوچە ساردەکانی هەرێمی بڵاوکردەوە و تیایدا دەرکەوتووە، کە قەزای پێنجوێن ساردترین ناوچە بووە.
بەگوێرەی نەخشەکە، بازیان بە ٨ پلەی ژێر سفر لە پلەی دووەم
دێت و دواتریش رواندز و سۆران و بارزان بە ٧ پلە ژێر سفر دێن.
ئاماژەی بەوەشکردووە، نزمترین پلەی گەرمی تۆمارکراو لە
شارەکانی هەرێم بەم جۆرەن، هەولێر ٥ پلەی سیلیزییە و سلێمانی ٢ پلە ژێر سفر و دهۆک
٢ پلەی سیلیزییە و هەڵەبجە یەک پلە ژێر سفرە.