چاوگەکەی ئێن ئاڕتی ئەوەشیخستەروو لەکۆبونەوەکەدا هەردوولا، چەند بژاردەیەکیان خستۆتەرووو بەڵام رێکنەکەوتوون.

لەلایەکی دیکەوە، شوان محەمەد پەرلەمانتاری فراکسیۆنی پارتی لە پەرلەمانی عێراق، "گەر پارتی و یەکێتی ڕێکنەکەون، هۆشیار زێباری کاندیدی پارتیە و پرۆسەکە لەنێو پەرلەمانی عێراق بێ گرفت دەڕوات".

سەبارەت بەبژاردەکان چاوگێکی ئاگادار ئاشکرای کرد، دانانی کەساتییەکی دیکە هەر لەنێو یەکێتی یەکێک لەبژاردەکانە، هاوکات پرسی پارێزگاری کەرکوک و پشکەکانی کورد لەبەغدا کارتی گفتوگۆن. 

شوان محەمەد پێشبینیکرد، پارتی و یەکێتی لە کۆتاییدا بگەنە دیدگای هاوبەش و ئەوەشی لەبەرژەوەندی هەرێم زانی، ڕوونیکردەوە گفتووگۆ لەنێوان هەردوولا لەسەر ئاستی باڵا بۆ دۆزینەوەی چارەسەرێکی ناوەندی هەیە، چونکە یەکڕیزنەبوون لەزیانی کوردە، وتی "ڕۆژی 25 ی ئەم مانگە، دادگای فیدرالی دوا بڕیار لەسەر دانیشتنی یەکەمی سەرۆکایەتی پەرلەمان دەدات، پێشبینیش دەکرێت بڕیار لەسەر یاسایی بوون و دەستوری بوونی دانیشتنەکە بدات، ڕۆژی 28 ی مانگی داهاتوو دوا وادەیە بۆ هەڵبژاردنی سەرۆک کۆمار، ڕەنگە پارتی و یەکێتی بگەنە ڕێککەوتن."

٢٤ کورد خۆیان بۆ پۆستی سەرۆک کۆمار کاندیدکردووە، دیارترینیان بەرهەم ساڵح، لەتیف رەشید (یەکێتی)، هوشیار زێباری (پارتی)، رێبوار ئەورەحمان (نەوەی نوێ)، حاکم رزگار محمد ئەمین (سەربەخۆ).