AM:11:17:22/01/2022
3312 جار خوێندراوەتەوە
وەزارەتى کارەباى عێراق رایگەیاند، بەهۆى سەرما و سۆڵە و بەستنی هێڵی گواسنتەوەی غاز لە ئێرانەوە، بەرهەمهێنانى کارەبا حەوت هەزار و ٦٠٠ مێگاوات کەمیکردووە.
ئەمڕۆ شەممە، وەزارەتی کارەبای عێراق، لە راگەیاندراوێکدا ئاشکرایکرد، "بەهۆى سەرماو شەختەوە، ئەو غازەى بە بۆڕى دێت، بەستوویەتى و بەرهەمهێنانى کارەبا کەمى کردووە".
ئاماژەی بەوەشداوە، بەهۆی خراپی کەش و هەواوە ئەو غازەى
دەگاتە وێستگەکانى بەرهەمهێنانى وەزەى کارەبا بەستوویەتى و پەنگى خواردۆتەوە، بەهۆیەوە
بەرهەمهێنانى کارەبا حەوت هەزار و ٦٠٠ میگاوات کەمى کردووە.
وەزارەتى کارەباى عێراق بۆ پڕکردنەوەی پێداویستى و دابینکردنی
کارەبای نیشتیمانی ، وزەى کارەبا لە ئێران هاوردەدەکات. هەروەها، بەشێکى زۆرى ئەو
غازەى بۆ بەرهەمهێنانى کارەبا لە وێستگە ناوخۆییەکان بەکاردەهێنرێت لە ئێرانەوە
هاوردە دەکات.
