داواش لە هاوڵاتیان دەکەن، "هاتوچۆ به‌ئۆتۆمبێله‌كانیان نه‌كه‌ن ‌و له‌ ماڵه‌كانیاندا بمێننه‌وه‌ تا هه‌مووان سه‌لامه‌تبن ‌و به‌دووربن له‌ رووداوی نه‌خوازراو."

لەلایەکی دیکەشەوە هاتوچۆی سۆران بڵاویکردەوە، "ئاگاداری شوفێران دەکەینەوە بەهۆی شەختە هاتوچۆ لە رێگای رەواندوز-بێخال، بێخال-گەلی عەلی بەگ؛ مەترسیدارە."

داواش دەکەن، هاوڵاتیان هاتوچۆی دەرەوە نەکەن و ئەوەش هاتووە، "ئەگەر زۆر پێویست بوو بۆ چوونە دەرەوە بەبێ زنجیری تایەکان هاتوچۆ نەکەن ."

هەر ئەمڕۆش هاتوچۆی هەولێر داوای لە هاوڵاتیان کرد، بە مەبەستی چوونە شەقڵاوە بەڕێنەکەون و رێگا بەستوویەتی و مەترسیدارە و ئەگەری کەوتنەوەی رووداوی هاتوچۆی مەترسیدار زۆرە.

ماوەی سێ رۆژە شەپۆلێکی بەفر و سەرما رووی لە هەرێمی کوردستان کردووە و بەفر لە سەنتەری شارەکانیشدا باریوە، تەنانەت لە ناوچە گەرمەکان و سەنتەری شاری هەولێر و کەرکویشدا بەفر باری، لە ئێستاشدا کەشناسی هەرێم هۆشداری لە زیاتر نزمبوونەوەی پلەکانی گەرما دەدات.

لە ماوەی ئەم چەند رۆژەدا بەهۆی بەستنی رێگاکانەوە، ئۆتۆمبێلەکان ناتوانن بە تەواوی لەسەر شەقامەکان جێگیرببن و بەبێ ویستی شۆفێر لە کۆنترۆڵیاندا نامێنن و چەندین رووداوی هاتوچۆ روویانداون. کە تیایاندا زیانی گیانی و ماددیش هەبووە.

هـ.ئـ