نەتەوە یەکگرتووەکان رایگەیاند بەهۆی بارینی بەفرێکی زۆرەوە لەم هەفتەیەدا، کەمپەکانی رۆژئاوای کوردستان زیانی زۆری پێگەشتووە و چەند چادرێک بەسەر دانیشتوانەکەیاندا رووخاون.
ئاماژەی بەوەشکردووە، بەگوێرەی ڕاپۆرتە سەرەتاییەکانی نووسینگەی نەتەوە یەکگرتووەکان بۆ هەماهەنگی کاروباری مرۆیی، ٢٢ شوێن لە پارێزگای حەلەب (بە تایبەتی لە عەفرین و عەزاز) و نۆ شوێن لە پارێزگای ئیدلب زیانیان پێگەیشتووە.
ئەمەش لە کاتێکدایە، بەفربارین
لە رۆژئاوای کوردستان لە ١٨ی کانوونی دووەمەوە دەستپێکردووە و زیانی بە کەمپی ئاوارەکان
و چادر و ماڵ و خەڵکی گەیاندووە.
لەبەشێکی دیکەی
راگەیەندراوەکەدا، لە ١٩ی کانوونی دووەمەوە، ٣٦٢ چادر و ٢١٢٤ کەس (٤٢٩ خێزان) زیانیان
پێگەیشتووە لە کامپەکانی عەفرین و خێزانەکان ناچاربوون خێمەکانیان چۆڵبکەن و بروانەتە
شوێنە پارێزراوەکان، لەوانە بۆ بینای بەڕێوەبەرایەتی کامپەکە و خوێندنگایەکی نزیک لە
ناوچەکە.
هاوکات، بەپێی راپۆرتەکان لە گوندی قەستەلی مەکدادی حەلەبی
بەهۆی داڕمانی سەقفی چادرەوە لە ئەنجامی بارینی بەفرێکی زۆر منداڵێک گیانی
لەدەستداوە و دایکەکەش بە سەختی برینداربووە.
ماوەی چەند رۆژێکە
شەپۆلێکی بەفربارین و دابەزینی پلەکانی گەرما ناوچە جیاوازەکانی کوردستانی
گرتووەتەوە و لە زۆرێک لە ناوچەکانی هەرێمی کوردستان ئاستەنگی هاتوچۆ دروستبوو.