ماوەی نزیکی ھەفتەیەکە شەپۆلێکی بەفربارین ناوچە جیاوازەکانی ھەرێمی گرتووەتەوە و لە شەوی رابردووشەوە بەشێوەیەکی بەرچاو بەفر لە سەنتەری شارەکانیشی گرتووەتەوە.
بەپێی پێشبینییەکانی کەشناسی ھەرێم، سبەینێ ھەینی کاریگەری شەپۆلی بەفر بارین نامێنێت و ئاسمان ساماڵ و پەڵە ھەور دەبێت و پلەکانی گەرما بەشێوەیەکی بەرچاو نزم دەبنەوە و لە زۆربەی ناوچەکان دەگەنە ژێر سفری سیلیزی.
یەکێک لەو
گرفتانەی ئەگەری ھەیە ھاوڵاتیان رووبەڕووی ببنەوە بەستنی ئاوی ماڵانە، ھاوڵاتیان دەتوانن
چەند رێگایەک بگرنە بەر بۆ رێگەگرتن لە بەستی ئاوی ماڵەکانیان:
١.دەزولەیەکی
کەم ئاوی بەلۆعەکان بەربدەنەوە و با بەردەوام لێی بڕوات.
٢.کەمێک
ئاوی گەرم بکەن بە بۆریەکاندا بۆئەوەی ئاسانتربکرێنەوە و نەشکێن.
٣.دەتوانن
وەک ئامادەباشیکردن؛ بۆ خواردنەوە و چێشتلێنان و پێویستی و بەکارھێنانی دیکەی وەک
دەستشۆر و توالێت، لە (سوراحی، دەبە، قۆری، تەشت) پڕ لە ئاو بکەن و بۆ کاتی پێویست
بۆ سبەی بەکاریبھێنن.
ھاوکات، بەرێوەبەرایەتی
ئاوی سلێمانی رێنمایی ھاوڵاتیانی کردووە:
١.ئەو
ماڵانەی پێوەری ئاویان ھەیە دایپۆشن بۆئەوەی نەبێتە ھۆی شکانی.
٢.بەھیچ
شێوەیەک ھاوڵاتیان نابێت ئاو بڕژێننە بەردەم ماڵەکانیان و سەرشەقام، چونکە جگە لەوەی
دەبێتە ھۆی بەفیڕۆدانی ئاو، بەھۆی نزمبوونەوەی پلەکانی گەرماوە دیاردەی بەستن روودەدات
و رەنگە ببێتە ھۆی کەوتنی ھاوڵاتیان خۆیان یان رووداوی ھاتوچۆی لێبکەوێتەوە.
ھـ.ئـ