PM:03:46:20/01/2022
3532 جار خوێندراوەتەوە
فڕۆکەخانەی نێودەوڵەتی سلێمانی رایگەیاند، بەهۆی بەفربارینێکی زۆرەوە، دوای ئەوەی چەند گەشتێکی فڕۆکەوانی دواکەوتن، لەئێستادا و بۆ ماوەیەکی کاتی، سەرجەم گەشتەکان راگیراون.
ئەمڕۆ پێنجشەممە، فڕۆکەخانەی نێودەوڵەتی سلێمانی راگەیەنراوێکی بڵاوکردەوە و تیایدا هاتووە، بههۆی ئهو شەپۆلی بەفربارینەی ناوچەکانی ههرێمی کوردستان و بەتایبەت پارێزگای سلێمانی گرتووهتهوه، کەوتنەوەی بەفرێکی زۆر لەسەر فڕگە و ناوچەی فڕینی فڕۆکەخانە، بووە ھۆکاری دواکەوتنی بەشێک لە گەشتەکانی فڕۆکەخانە.
دەشڵێت، لەئێستادا تیمەکانی فڕۆکەخانە بەسەرپەرشتی راستەخۆی
تاهیر عەبدوڵا قادر، بەڕێوەبەری گشتی فڕۆکەخانە و بەڕێوەبەری تەکنیک سەرقاڵی
پاککردنەوەی فڕگە و ناوچەی فڕین و بەشەکانی تری فڕۆکەخانەن بۆ دەستپێکردنەوەی گەشتەکان
لە نزیکترین کاتدا.
ئەمە لەکاتێکدایە،
لە شەوی رابردووەوە شەپۆلێکی بەفربارین و نزمبوونەوەی پلەکانی گەرما رووی لە هەرێمی
کوردستان کردووە و لە ناوەندی پارێزگاکانی هەولێر و دهۆک و سلێمانی و هەڵەبجە و ئیدارەکانی
زاخۆ و سۆران و راپەڕین بەفربارین دەستی پێکردووە و ئاستەنگی هاتوچۆی بۆ شۆفێران و
هاوڵاتییان دروستکردووە و بەهۆیەوە رێگای سەرەکی نێوان چەندین پارێزگا و ناوچەی جیاجیا
داخراون. هاوکات، جگە لە پارێزگای سلێمانی لەسەرجەم پارێزگا و یەکە ئیدارییە سەربەخۆکانی
هەرێم دەوامی فەرمی راگیراوە.