PM:07:02:19/01/2022
38492 جار خوێندراوەتەوە
وەزارەتی خوێندنی باڵای هەرێم رایگەیاند، سبەینێ لەسەرجەم دامودەزگاکانى خوێندنى باڵا و دیوانى وەزارەت و زانکۆکانى هەرێمی کوردستان لە تەواوی شارەکان بە حکومى و تایبەتەوە دەوامی فەرمی رادەگیرێت. دەشڵێت، "دابەشکردنى موچە بەردەوام دەبێت".
ئەمڕۆ چوارشەممە، وەزارەتی خوێندنی باڵاو توێژینەوەی زانستی حکومەتی هەرێم راگەیەنراوێکی بڵاوکردەوە و تیایدا هاتووە، سبەینێ پێنجشەممە بەهۆى هاتنى شەپۆڵێکى دیکەى سەرماو سۆڵەو بەفربارین لە شارەکانى هەرێمى کوردستان و لەپێناو پاراستنى سەلامەتى گیانى مامۆستا و فەرمانبەران و خوێندکاران و قوتابیان دەوامی سەرجەم زانکۆ و دامودەزگاکانی سەربە وەزارەتەکەیان رادەگیڕێت.
ئەوەشی خستووەتەڕوو، راگرتنی دوامیش بە بڕیارى "ئارام محمد
قادر" وەزیرى خوێندنى باڵا و توێژینەوەى زانستى بووە تەنها بۆ رێکەوتی ٢٠ی١ی
٢٠٢٢ دەبێت.
راگەیەنراوەکە ئاماژەی بەوەشداوە، سەبارەت بە دابەشکردنى
موچەى فەرمانبەرانیش، بەڕێوەبەرایەتى ژمێریارى و لێژنەى پەیوەندیدار بە دابەشکردنى
موچە لە وەزارەت و زانکۆکان و دامودەزگاکان دەوامى ئاسایى خۆیان دەکەن بۆ دابەشکردنى
موچەى فەرمانبەران بەپێى ئەو ئالیەتەى دایدەنێن.
دەشڵێت، بۆ ئەمەش فەرمانبەران دەتوانن بۆ وەرگرتنى موچەکانیان
سەردانى بەڕێوەبەرایەتى ژمێریارى و لێژنەکانى دابەشکردنى موچە بکەن.