فەرمانگەی میدیا و زانیاری هەرێم رایگەیاند، ئەمڕۆ چوارشەممە، ئەنجومەنی وەزیرانی هەرێمی کوردستان کۆدەبێتەوە و باس لە وەرگرتنەوەی باج و پێشینەکان لە هاوڵاتییان و دابەشکردنی نەوت دەکات.
دەشڵێت، لە کۆبوونەوەکەدا
ئەم بابەتانە دەخرێنە بەرباس:
-خستنەڕووی پێشنیازەکانی
کۆبوونەوەی لیژنەی وەزاریی تایبەت بە رێکخستنەوەی چەند بابەتێکی پەیوەست بە وەزارەتەکانی
ناوخۆ، تەندروستی، کشتوکاڵ و سەرچاوەکانی ئاو، بازرگانی و پیشەسازی.
-خستنەڕووی پێشنیازی
ئاسانکاریی بۆ گەڕاندنەوەی پێشینەکان و باج، رەسم و سزای دارایی، کرێی موڵک و ماڵی
دەوڵەت.
-ئاگادارکردنەوەی
ئەنجومەنی وەزیران لە پرۆسەی دابەشکردنی نەوتی سپی بۆ هاوڵاتییان لەلایەن وەزارەتی
سامانە سروشتییەکانەوە.
ئەوەش لەکاتێکدایە، لە ٢ی مانگەوە، دابەشکردنی موچە دەستیپێکردووە و بە
سستی دابەش دەکرێت و تا ئێستا موچەی بەشێک لە وەزارەتەکان دابەش نەکراوە، بەڵام
کێشەی موچە و موچەخۆران لە کارنامەی کۆبوونەوەی حکومەتدا نییە.