بەڕێوەبەری سەنتەری فریاگوزاری سلێمانی بە ئێن ئاڕ تی راگەیاند، ژمارەی قوربانییەکانی رووداوی هاتوچۆکەی دوکان بەرزبووەوە بۆ پێنج گیان لەدەستدان و دوو بریندار.
سامان نادر بەڕێوەبەری سەنتەری فریاگوزاری سلێمانی بە ئێن ئاڕ تی راگەیاند، لەو رووداوی هاتوچۆیەی ئێوارەی ئەمڕۆ لە رێگای دوکاندا روویدا، ژمارەی گیانلەدەستدانەکان بەرزبووەوە بۆ پێنج کەس و دوو منداڵیش بریندارن.
ماوەی دوو رۆژە شەپۆلێکی بەفربارین رووی لە چەند ناوچەیەکی
هەرێم کردووە و لە سەنتەری شارەکانیشدا بەفر بە شێوەیەکی بەرچاو باریوە، لە
ئێستاشدا بەهۆی دابەزینی پلەکانی گەرماوە شەقامەکان بەستوویەتی و هاتوچۆ دەڵێت،
ئەگەری روودانی رووداوی مەترسیدار زۆرە.
کەشناسی هۆشداریدا لە نزمبوونەوەی زیاتری پلەکانی گەرما
و بەستنی رێگا و بانەکان و دروستبوونی شەختە لەسەر شەقامەکاندا. هاتوچۆش هۆشداری
داوەتە هاوڵاتیان ئۆتۆمبێلەکانیان نەبەنە دەرەوە و شۆفێریکردن لەم دۆخەدا بە مەترسیدار
ناودەبەن.
ئەوەش دوای ئەوە دێت، لە ئێوارەی دوێنێ یەکشەممەوە شەپۆلێکی
بەفربارین هەرێم و بەشێکی سەنتەری شارەکانی گرتووەتەوە و بەهۆیەوە لە بەشێکی ناوچەکانی
هەرێمدا ئەمڕۆ دەوامی فەرمی راگیرا و بڕیاریش دراوە، کە لە سبەینێ سێشەممەوە تاوەکو
شەممەی داهاتوو؛ دەوامی فەرمی لە سەرجەم خوێندگە و پەیمانگاکانی سەر بە وەزارەتی پەروەردە
بە حکومی و ناحکومییەوە؛ راگیرا.
کەشناسی هەرێمیش پێشبینی دەکات، سبەینێ سێشەممە، پلەکانی
گەرما نزمتر ببنەوە و لە هەندێک ناوچە دیاردەی بەستن و شەختە لە ناوکۆڵان و شەقامەکاندا
رووبدات.