بەڕێوەبەرایەتی ئاوی سلێمانی ئاگادارییەکی بۆ هاوڵاتیانی ئەو ناوچانەی بەفری لێباریوە بڵاوکردووەتەوە و ئاگاداریان دەکاتەوە، بەهۆی روودانی دیاردەی بەستنەوە هاوڵاتیان ئاو نەرژنە کۆڵان و شەقامەکان.
بەڕێوەبەرایەتی ئاوی سلێمانی دەڵێت، بەپێی پێشبینییەکانی کەشناسی پلەکانی گەرما نزمتر دەبنەوە.
دەقی ئاگادارییەکان:
١.پێویستە هاوڵاتیان ئاو نەڕێژنە کۆڵان و شەقامەکان، چونکە دەبێتە
بەفیڕۆدانی ئاو و بەهۆی نزمی پلەی گەرماوە دەبێتە بەستنی شەقام و کارەساتی ئۆتۆمبێل
و رووداوی دڵتەزێنی لێدەکەوێتەوە .
٢.پێویستە پێوەری ئاو داپۆشن بۆئەوەی سەرما نەبێتە هۆی
شکاندنی .
٣.دەزوولەیەک ئاو بکرێتەوە بۆئەوەی نەبێتە بەستنی بۆری ئاو.
٤.پێویستە هاوڵاتیان لەکاتی بەستنی بۆری ئاودا کەمێک ئاوی
گەرم بکەن بە بەلوعە و بۆریەکاندا بۆئەوەی نەبێتە هۆی شکاندنیان.
ئەوەش دوای ئەوە دێت، لە ئێوارەی دوێنێ یەکشەممەوە شەپۆلێک بەفربارین هەرێم
و بەشێکی سەنتەری شارەکانی گرتووەتەوە و بەهۆیەوە لە بەشێکی ناوچەکانی هەرێمدا ئەمڕۆ
دەوامی فەرمی راگیرا و بڕیاریش دراوە، کە لە سبەینێ سێشەممەوە تاوەکو شەممەی
داهاتوو؛ دەوامی فەرمی لە سەرجەم خوێندگە و پەیمانگاکانی سەر بە وەزارەتی پەروەردە
بە حکومی و ناحکومییەوە؛ راگیرا.
کەشناسی هەرێمیش پێشبینی دەکات، سبەینێ سێشەممە، پلەکانی گەرما نزمتر ببنەوە
و لە هەندێک ناوچە دیاردەی بەستن و شەختە لە ناوکۆڵان و شەقامەکاندا رووبدات.