بەفربارین بەشێک لە شار و شارۆچکەکانی هەرێمی کوردستانی گرتووەتەوە و بەوهۆیەوە لە بەشێک لە ناوچەکان بەوهۆیەوە دەوام راگیراوە.
ئاسۆ کەمال بەڕێوەبەری کەشناسی و بومەلەرزەزانی سلێمانی بە ئێن ئاڕ تی راگەیاند، ١٢ سانتیمەتر بەفر لە سەنتەری شاری سلێمانی باریوە و سبەینێش پلەکانی گەرما زیاتر دادەبەزن.
ئاسۆ کەمال ئاماژەی بەوەشکردووە، "سبەینێ ئەگەری شەختە
و تەمومژ هەیە و کەشوهەوا ساردتر دەبێت."
لای خۆشییەوە، کەشناسی هەرێم رایگەیاند، حاجی ئۆمەران
ساردترین ناوچەی هەرێمە و تیایدا ٩ پلە لە خوار سفرەوە تۆمار کراوە.
کەشناسی هەرێم ئاماژەی بەوەشکردووە، "بەهۆی گۆرانکاری
لە کەشی شاری هەولێر بەهاتنی بارستە هەوایەکی سارد پێشبینی باران بارین دەکرێت و هەندێک
جار بەفریشی لەگەڵ تێکەڵ بێت بۆ ماوەیەکی کورت خایەن دەبێت."
هەر ئەمڕۆ، لە دوو راگەیەندراوى جیادا پارێزگارى سلێمانى
و پارێزگارى هەڵەبجە باسیان لەوەکردووە، رۆژانی سێشەمە و چوارشەمە پشووی فەرمیە لە
سەرجەم دامەزراوەکانی حکومەتدا لە سنوری ئەو دوو پارێزگایە، جگە لە فەرمانگە خزمەتگوزارییەکان.