ئاماژەی بەوەشداوە، تیمەکانی فریاگوزاری یۆنان توانیویانە ٥٧ کۆچبەری ناو بەلەمە نقومبووەکە رزگاربکەن.

پۆلیسی یۆنان ئەوەشی خستووەتەڕوو، نزیکەی ٨٠ کۆچبەر لەسەر بەلەمەکەبوون.

ئەمە لەکاتێکدایە، لە رۆژانی چوارشەممە و پێنجشەممە و هەینی هەفتەی رابردوو ٤٠ کۆچبەر لە ئەنجامی نقومبونی بەلەمەکانیان لە کەناراوەکانی یۆنان گیانیانلەدەستداوە و ٣٥ کەسی دیکەش چارەنوسیان نادیارە.

رۆژی چوارشەممە، ٢٢ی کانوونی یەکەمی ٢٠٢١، یەکەم رووداو لە ڤۆلێگاندرۆس روویدا. کاتێک بەرەبەیانی زوو ئەو کۆچبەرانەی لەسەر بەلەمەکە بوون، لە سەرەتادا زیانی میکانیکی بەلەمەکەیان راگەیاند و لە ماوەیەکی کورتدا راشیانگەیاند کە ئاوەکە بەرەو بەلەمەکە دەڕوات.

هەروەها، ژمارەی راستەقینەی ئەو کەسانە بەتەواوی نەزاندراوە کەلە بەلەمەکەدابوون. هاوکات، تیمەکانی رزگارکردن توانییان ١٣ تەرم بدۆزنەوە کە هیچیان چاکەتی مەلەوانیان لەبەر نەکردبوو.

هەروەها، ژمارەی بێسەروشوێنەکان نزیکەی٣٥ کۆچبەرن کە نەدۆزرانەتەوە.

بە گوێرەی قسەی شایەتحاڵە ڕزگاربووەکان، ١٢ کۆچبەریش رزگارکراون.

لە رۆژی پێنجشەممە، ٢٣ی کانوونی یەکەمی ٢٠٢١ پاشنیوەڕۆ لە ئەنتیکیتێرا رووداوی دووەم تۆمارکرا کە بەهۆی نقومبوونی بەلەمئ کۆچبەرانەوە ١١ کۆچبەر گیانیالەدەستدا و ٩٠ کۆچبەری دیکە رزگارکران.

بە هۆکارێکی نەزانراو بەلەمەکانی کۆچبەران لە دوورگەی بەردینی براسۆنیسی لە ئەنتیکیتێرا تێکشکان.

هەروەها، لە رۆژی هەینی، ٢٤ی کانوونی یەکەمی ٢٠٢١، ژمارەیەکی نادیاری سەرنشینی بەلەمێک کە دەگەڕێتەوە تا درەنگانێک شەو ٦٣ کۆچبەر رزگاردەکرێن و تەرمی ١٦ کۆچبەری دیکە دەدۆزرێنەوە. ئەمە لەکاتێکدایە، بەلەمەکان لە تورکیاوە بەرەو ئیتاڵیا گەشتیان کردووە.

شەوی رابردوو، ئاژانسی هەواڵی فەرمی یۆنان بڵاویکردەوە، بەلەمێک کە زیاتر لە ١٠٠ کۆچبەری هەڵگرتبوو و بەرەو ئیتاڵیا دەڕۆشت لە دوورگەی چوهای باشووری یۆنان ژێرئاوکەوت، بەهۆیەوە ١١ کەسیان گیانیان لەدەستدا کە بەشێکى زۆرى کۆچبەرەکان خەڵکى هەرێمى کوردستان بوون و تائێستاش بەشێک لە کۆچبەرەکان چارەنوسیان نادیارە.