بەهۆی خراپی دۆخی دارایی و بەردەوام دابەزینی بەهای لیرەی تورکییەوە، لە وەزارەتی گەنجینە و دارایی تورکیادا چەند گۆڕانکارییەک ئەنجامدرا.
بڕیاری گۆڕانکارییەکان لە رۆژنامەی فەرمی کۆماری تورکیادا بڵاوکراوەتەوە و واژۆی رەجەب تەیب ئەردۆغان سەرۆک کۆماری لەسەرە، کە بریتییە لە لەکارلابردنی شاکر ئەرجان گول و مەهمەت حەمید یڵدرم لە پۆستی یاریدەدەرانی وەزیری گەنجینە و دارایی و دانانی مەحمود گورجان و یونس ئەلیتاش لە جێیان.
لە بڕیارەکاندا
ئەوەش هاتووە، عەبدوڵا بایەزید بەڕێوەبەری گشتی دابینکردنی دارایی لە وەزارەتی گەنجینە و دارایی و ئەحمەد یاڵچن
کایا بەڕێوەبەری گشتی لێکۆڵینەوە و پڕۆگرامی ئابوریی لە پۆستەکانیان لابران.
لەلایەکی دیکەشەوە،
یەعقوب ئاسارکایا، کرایە سەرۆکی دووەمی دەزگای چاودێری و رێکخستنی بانکداریی و هەریەکە
لە مستەفا باڵجی و ئۆلجای توران کرانە ئەندامی دەزگاکە.
ئەمەش لەکاتێکدایە،
لە ناوخۆی تورکیا ١٥٠٠ لیرە بەرامبەرە بە ١٠٠ دۆلار و لیرە دابەزینی بەرچاوی بەخۆیەوە
بینیووە و چاودێرانی ئابوری هۆکارەکەی دەگەڕێننەوە بۆ بڕیارەکانی بانکی ناوەندی
تورکیا بۆ کەمکردنەوەی رێژەی سوود.