پاش هێرشە بەردەوامەکانی داعش بڕیارە ئەمڕۆ سەرۆکی هەرێم و فەرماندەکانی پێشمەرگە کۆببنەوە.
ئەمڕۆ دووشەممە، هێرش قادر پەیامنێری ئێن ئاڕ تی وتی، لەبارەی هێرشەکانی ئەم دواییەی داعش و روبەڕویان لەگەڵ پێشمەرگەدا، سەرۆکی هەرێم و هەردوو جێگرەکەی و بەرپرسانی وەزارەتی پێشمەرگە و یەکەکانی ٧٠ و ٨٠ لە کۆبوونەوە دەبنەوە.
شەوی رابردوو، چەکدارانی
داعش لە کەلی قەرەسالم لە ناحیەی پردێی پارێزگای کەرکوک هێرشیانکردە سەر سەنگەرێکی
هێزی پێشمەرگە و هێرشەکە بۆ سەر فەوجی ٣ی لیوای ١٢٦ی ھێزەکانی پێشمەرگە بووە.
هاوکات، وەزارەتی
پێشمەرگە لە راگەیەنراوێکدا وتی، بەهۆی هێرشەکەی داعشەوە شەهید و بریندار لە ریزەکانی
پێشمەرگەدا هەیە و دواتر "تیرۆریستان راونران و بارودۆخەکە کۆنتڕۆڵکرا."
ئەمەش لەکاتێکدایە،
لە ٢ی ئەم مانگەدا، چەکدارنی داعش ھێرشیانکردە سەرگوندی خدرجیجە و لە ئەنجامدا ١٣
پێشمەرگە و ھاوڵاتی شەھیدبوون و چەند کەسێکی دیکەش برینداربوون.
شەوی رابردوو، گرووپی
چەکداری داعش ساتی هێرشکردنە سەر گوندی خدرجیجە کە دەکەوێتە بناری چیای قەرەچوغ بڵاوکردەوە
و لە راگەیەندراوێکیشدا "بەرپرسیارێتی خۆی لە ئەنجامدانی پەلامارەکە راگەیاند."
لە شەوی ٢٧ی
مانگی رابردوو، لە ناحیەی کوڵەجۆی گەرمیان داعش ھێرشیکردەسەر سەنگەرەکانی پێشمەگە
و لەکاتێکدا یارمەتی بۆ ھێزەکان رۆشتبوو بۆمبێک بە ئۆتۆمبێلێکی پێشمەرگەدا تەقییەوە
و پێنج پێشمەرگە شەھید بوون و چوار پێشمەرگەش بریندار بوون.
لە ٢٩ی مانگی
رابردووشدا، لە سنووری کفری لەلایەن چەکدارانی داعش ھێرشکرایە سەر ھێزەکانی پێشمەرگە
و لە ئەنجامی ھێرشەکەشدا دوو پێشمەرگە شەھید بوون و سێ پێشمەرگەی دیکەش برینداربوون.