سه‌رۆكی حكومه‌تی هه‌رێم جارێكی دیكه داوای له هاوڵاتییان كرد روو لە بنكه‌كانی وه‌رگرتنی ڤاكسین بکەن و لەپێناو خۆپاراستن له ڤایرۆسی كۆرۆنا، ڤاكسین وه‌ربگرن.
مه‌سرور بارزانی سه‌رۆكی حكومه‌تی هه‌رێم لە تویته‌ر نوسیوویه‌تی، "هانی خه‌ڵكی كوردستان ده‌ده‌م، ڤاكسین وه‌ربگرن و خۆیان و ئازیزانیان له مه‌ترسی ڤایرۆسی كۆرۆنا بپارێزن."
راشیگەیاندووە، نزیكه‌ی
٢٠٠ ناوەندی وه‌رگرتنی ڤاكسین به‌رده‌ستن و له رێگەی لینکی تایبه‌ت به خۆتۆماركردنه‌وه،
ناوی خۆیان بۆ وه‌رگرتنی ڤاكسین تۆمار بكه‌ن.
بۆ ناوتۆمارکردن بۆ
وەرگرتنی ڤاکسین کلیک بکە
بەپێی دوایین
ئامارەکانی وەزارەتی تەندروستی هەرێم تا ئێستا، سێ ملیۆن و ٥٥٠ هەزار و ٢٠١ پشکنینی
کۆرۆنا ئەنجامدراوە و لە ئەنجامدا، ٣٧٦ هەزار و ٨٦٨ حاڵەتی توشبوون بە ڤایرۆسی کۆرۆنا
تۆمار کراوە.
هەر بەپێی
ئامارەکان، شەش هەزار و ٩٢٦ کەسیش دوای توشبوونیان بە ڤایرۆسەکە گیانیان لەدەستداوە
و ٣٦٥ هەزار و ٧١ کەسیان دوای چارەسەری پزیشکی چاکبوونەتەوە و لە ئێستادا چوار هەزار
و ٨٧١ کەس لە ژێر وەرگرتنی چارەسەردا ماون.