وتەبێژی نەوەی نوێ وتیشی، رێککەوتنی پارتی و یەکێتی بۆ ماوەی سێ مانگە لەگەڵ بەغدا و مووچەش تەوتین نەکراوە، و مەسرور بارزانی لە بەغداوە نەوتی هێناو بە ١٠٣ هەزار بەهاوڵاتیانی فرۆشتەوە، و شاسوار عەبدولواحیدیش سەردانی سودانی کردو توانی نەوت بەبێ بەرامبەر بۆ هاوڵاتیانی هەرێم دابین بکات، نەوەی نوێ بەئاسانی دەتوانێت بەڵێنەکانی جێبەجێ بکات، ئەگەر هاوڵاتیان بچنە هەڵبژاردن و دەنگیان پێبدەن و نەوەی نوێ بەهێزتر بکەن، لەبەغداوە کێشەکانی هەرێم چارەسەر دەکەن.

ئاماژەی بەوەشداوە، پارتی و یەکێتی بەفراکسیۆن و پۆستەکانی نێو حکومەتیشەوە نەیانتوانیوە هیچ پڕۆژەیەکیان هەبێت، و نەوەی نوێ لەبەغدا بە نۆ پەرلەمانتارەوە زۆر کاری گەورەو باشیکردووە بۆ هەرێم و توانی دەرمان و نەوت بۆ هەرێم دابین بکات و هەڵەبجە بکات بەپارێزگا و ئامانج و بەرنامە و کاری سەرەکی نەوەی نوێ خزمەتکردنی هاوڵاتیانی هەرێمە و دەشڵێت، شاسوار عەبدولواحید بۆیە له زیندانە پارتی و یەکێتی لێی تۆقیون و تەنانەت فلێکسەکانی شاسوار عەبدولواحید دەدڕێن و لێی دەترسن، و سەبارەت بە بارودۆخی نەوەی نوێ دەڵێت، بارودۆخی نەوەی نوێ زۆر باشەو سوپاسی پێشوازی گەرمی هاوڵاتیان دەکەن و کاتێک سەردانی هاوڵاتیان دەکەن لە بازاڕو گەڕەکەکان زۆر بەگەرمی پێشوازییان لێدەکرێت، هاوڵاتیان لەدڵەوە لەگەڵ نەوەی نوێن و داواشیکرد، هاوڵاتیان بەشداری هەڵبژاردن بکەن و دەنگ بدەن بە نەوەی نوێ و نەوەی نوێ بەهێزبکەن دوایی ببینن چی دەکەن لەبەغدا بۆ خزمەتکردنی هاوڵاتیان.