AM:09:11:30/11/2021
13420 جار خوێندراوەتەوە
ئەمڕۆ سێشەممە، نرخی یەک بەرمیل نەوتی خاوی برێنت لە بازاڕی نەوتی جیھانیدا بە ٧٢ دۆلار و چوار سەنت مامەڵەى پێوە دەکرێت کە بەراورد بە دوێنێ کە نرخى یەک بەرمیل نەوتى برێنت بە ٧٥ دۆلار و ٢٤ سەنت بوو دابەزینى بەخۆیەوە بینى.
هاوکات، نرخی یەک بەرمیل نەوتی خاوی ئەمەریکى لە بازاڕی نەوتی جیھانیدا بە ٧٠ دۆلار و ٦٦ سەنت مامەڵەى پێوە دەکرێت و بەراورد بە دوێنێ کە نرخى یەک بەرمیل نەوتى خاوى ئەمەریکى بە ٧١ دۆلار و ٩ سەنت بوو، بەهەمان شێوە دابەزینى بەخۆیەوە بینى.
بەگوێرەی پێشبینییەکان لەمساڵدا بەراورد بە ساڵی
رابردوو، خواست لەسەر نەوت زیاد دەکات و بۆ ٩٦ ملیۆن و ٤٠٠ ھەزار بەرمیل لە رۆژێکدا
بەرز دەبێتەوە.
پێشتر، ئیحسان عەبدولجەبار وەزیری نەوتی عێراق
ئاماژەی بەوە کردبوو، "نرخی ھەر بەرمیلێک نەوت بۆ ١٠٠ دۆلار بەرزدەبێتەوە، بەڵام
بەردەوام نابێت."
