خەڵک بێئاوە و حکومەتی ماوەبەسەرچوو باکی نیە، نەوەی نوێش بەردەوامە لە دابەشکردنی ئاو بەسەر گەڕەکە بێئاوەکانی هەولێر و سلێمانی، خەڵک دەڵێن ئەوەی حکومەت پێی ناکرێت نەوەی نوێ جێبەجێی دەکات و لەهەر شوێنێک خەڵکی پێویستی پێی بێت بەهانایەوە دەچێت.
ئەمڕۆ پێنجشەممە ١٤ـی ئابی ٢٠٢٥، بەهۆی گرفتی بێئاوی لە بەشێکی گەڕەکەکانی سلێمانی، تیمێکی نەوەی نوێ و پەرلەمانتارانی لەبری حکومەتی ماوەبەسەرچوو سەرقاڵی دابەشکردنی ئاوە بەسەر هاوڵاتییاندا.
بەشێک لە
دانیشتوانی ئەو گەڕەکانەش بە ئێن ئاڕ تییان وت، چەندین ساڵە گرفتی کەمئاویان هەیە
و حکومەتی ماوەبەسەرچوو تاوەکو ئێستا بەدەم کێشەکانیانەوە نەچووە، بۆیە بە ناچاری
مانگانە سێ بۆ چوار تانکەر ئاو دەکڕن.
باسیان لەوەش
کرد، دەستخۆشی لە تیمی نەوەی نوێ و پەرلەمانتارانی دەکەن کە هەستاون بە دابەشکردنی
ئاو بۆ گەڕەکەکانیان و ئەو خزمەتگوزاریەی نەوەی نوێ دەیکات هیچ لایەنێک پێی ناکرێت.
ئەوەش
لەکاتێکدایە، لە سەرەتای هاتنی وەرزی گەرما و سەرهەڵدانی گرفتی کەمئاوییەوە، نەوەی
نوێ لە شار و شارۆچکە جیاوازەکانی هەرێم لە بری حکومەتی ماوەبەسەرچوو سەرقاڵی
دابەشکردن و دابینکردنی ئاوی خواردنەوەیە بۆ ئەو هاوڵاتیانەی بەدەست نەبوونی ئاوی
خواردنەوەوە دەناڵێنن، بەڵام چەندین جار لەلایەن هێزە ئەمنییەکانی پارتی و
یەکێتییەوە رێگرییان لێ کراوە.