PM:06:05:20/05/2025
2984 جار خوێندراوەتەوە
سامانە سروشتیەکانی هەرێم دەڵێت، ئەو دوو رێککەوتننامەیەی لەگەڵ کۆمپانیاکان کردوویەتی، رێککەوتننامە و گرێبەستی نوێ نین بەڵکو پێش چەندین ساڵ کراون و دادگاکانی عێراقیش دانی بە یاسایی و رەواییان دا ناوە و هیچ کێشەیەکی یاساییان نییە.
ئەمڕۆ سێشەممە ٢٠ـی ئایاری ٢٠٢٥، وەزارەتی سامانە سروشتییەکانی هەرێمی کوردستان، لەبارەی رێککەوتننامەی نێوان وەزارەتەکە و کۆمپانیاکان روونکردنەوەیەکی بڵاوکردەوە.
وەزارەتەکە ئاماژەی بەوەشکردووە، ئەو دوو رێککەوتنامەیەی لەگەڵ کۆمپانیاکان کردوویانە، نوێنین تەنها کۆمپانیای ئەنجامدەری گرێبەستەکان گۆڕاون.
ئەوەش خراوەتەڕوو، هەردوو رێککەوتنەکە هیچ کێشەیەکی یاساییان نییە و
تەنیا کۆمپانیای ئەنجامدەری گرێبەستەکان گۆڕاون لە چوارچێوەی رێکارە یاسایی
وگرێبەستییەکانی هاتوو لە رێککەوتننامەکان و کۆمپانیاکان،
چەندین ساڵە پەرە بە وەبەرهێنان دەدەن لە بواری نەوت وگاز و لە بەرهەمهێنەرە
سەرەکییەکانی نەوتی هەرێمن و وەبەرهێنەری نوێ نین.
باس لەوەش کراوە، هەرێم لە کاتێکدا جەخت لە هەموو ماف و دەسەڵاتە
دەستوورییەکانی خۆی دەکاتەوە وەک قەوارەیەکی فیدراڵی لە چوارچێوەی دەستووری
هەمیشەیی عێراق کە بە روونی ماف و تایبەتمەندییەکانی هەرێمی کوردستانی دەستنیشان
کردووە.
