PM:05:09:08/05/2025
2560 جار خوێندراوەتەوە
لە شاری کوفەی سەر بە پارێزگای نەجەف، شێرێک پەلاماری ئەو کەسەی دا کە بەخێوی دەکات و بەو هۆیەوە گیانیلەدەستدا.
ئەمڕۆ پێنچشەممە ٨ـی ئایاری ٢٠٢٥، میدیاکانی عێراق بڵاویانکردەوە، چەند رۆژێک لەمەوبەر لە یەکێک لە گەڕەکەکانی شاری کوفە هاوڵاتییەک شێرێکی کڕیوە و دەستی بە بەخێوکردن و خواردن پێدانی کردووە.
ئاماژەیان بەوەشکرد، بەیانی ئەمڕۆ
لەکاتی خواردن پێدانیدا شێرەکە پەلاماری خاوەنەکەی داوە و کوشتوویەتی، دوای ئەوەی
یەکێک لە دراوسێکانی ماڵەکە هەستی بە رووداوەکە کردووە تەقەی لە شێرەکە کردووە و
کوشتوویەتی، بەڵام نەیتوانیوە خاوەنەکەی رزگاربکات.
