سەردێڕ:

ئیدارەى خۆبەڕێوەبەری رۆژئاواى کوردستان: رژێمی سوریا ئامانجیان چەواشەکردنی گەلی سوریایە

PM:11:15:23/07/2021

2132 جار خوێندراوەتەوە

دواى رەتکردنەوەى ئیدارەى خۆبەڕێوەبەری رۆژئاواى کوردستان لەلایەن حکومەتى سوریاوە ئیدارەى خۆبەڕێوەبەری رایگەیاند، رژێمی سوریا ئامانجیان چەواشەکردنی گەلی سوریایە و دیمەشق دەیەوێت بیرى تاکڕەوی بسەپێنێت کە سوریای داڕوخاند.


فەرمانگەی پەیوەندییەکانى دەرەوەى ئیدارەی خۆبەڕێوەبەری باکور و خۆرھەڵاتی سوریا لە وەڵامی وەزارەتی دەرەوەی سوریادا ئاماژەى بەوەشداوە، رژێمی سوریا وەک ھەموو جارێک بە زمانێکی نالۆژیکی و دوور لە واقیع خۆبەرێوەبەری رۆژئاوای کوردستانی کردووەتە ئامانج و بەو شتانە تۆمەتباری کردوون کە ھیچ بنەمایەکیان نییە.

خۆبەڕێوەبەری رۆژئاوای کوردستان داواش لە حکومەتی سوریا دەکات، واز لە وتارە "تەقلئیدییەکە"ی بھێنێت کە سوریای وێرانکردووە و ھیچ چارەسەرێکی پێنەبووە بۆ کێشەکانی وڵات.

ئەوەش لەکاتێکدایە، وەزارەتی دەرەوەی سوریا لە راگەیاندراوێکدا داواى دانپێدانانى ئیدارەی خۆبەڕێوەبەری رۆژئاوای کوردستانی رەتکردەوە و رایگەیاند، ئەو ئیدارەیە خزمەت بە داگیرکاریی ئەمریکا و تورکیا دەکات.







گەلەری