بە وتەی شارەزایان، کاتێک جەستەی مرۆڤ بەرکەوتەی مادەکانی وەکو موو یان ریشاڵی دەستکرد دەبێت، بارگەی کارەبایی دروست دەبێت کە لە کاتی بەرکەوتن لەگەڵ تەنێکی دیکەدا دەگوازرێتەوە، بەتایبەتی لە کەشوهەوای وشکدا کە شێی کەم بێت، ئەمەش دەبێتە هۆی زیاتر کەڵەکەبوونی بارگەی کارەبایی.

ئەم دیاردەیە بەشێوەیەکی بەرچاو لە کاتی لەبەرکردنی جلوبەرگێکدا روودەدات کە لە ریشاڵی دەستکرد یان خوری دروستکراوە و خواردنی بڕێکی زۆر خوێ و وشکبوونەوەی پێستیش هۆکارە، چونکە ئەم هۆکارانە بەشدارن لە ئاسانکاری کەڵەکەبوونی بارگەی کارەبایی لەسەر جەستە.

بۆ کەمکردنەوەی کاریگەری ئەو بارگاویبوونە، پسپۆڕان ئامۆژگاری لەبەرکردنی ئەو جلوبەرگانە دەکەن کە لە خوری یان لۆکەی سروشتی دروستکراون و ماددەی نایلۆنیان کەمە، بەتایبەتی لە وەرزی زستاندا، هەروەها دوورکەوتنەوە لە خوری دەستکرد.

باشترە پێڵاوی لاستیک یان چەرم لەبەر بکرێت کە یارمەتی کەمکردنەوەی کەڵەکەبوونی بارگاویکردنەوە دەدات جگە لەوەش باشترە بڕێکی پێویست ئاو بخورێتەوە بۆ پاراستنی شێی جەستە و شێدارکردنی پێست بە بەکارهێنانی کرێمی گونجاو، ئەمەش دەبێتە هۆی کەمبوونەوەی کەڵەکەبوونی بارگەی کارەبایی.