سەردێڕ:

لەم دوو شوێنە.. سبەینێ دەست بەدابەشکردنی نەوت دەکرێت

AM:11:40:27/10/2021

44816 جار خوێندراوەتەوە

بەڕێوەبەرایەتی نەوت و کانزاکانی سلێمانی رایگەیاند، سبەینێ لە ماوەت و شارباژێڕ دەست بە دابەشکردنی نەوت دەکرێت.


بەڕێوەبەرایەتی نەوت و کانزاکانی سلێمانی رایگەیاند، بڕیارە سبەی پێنجشەممە، نەوت لە قەزاکانی شارباژێڕ و ماوەت دابەشبکرێت و لەبارەی نرخەکەشییەوە ئاماژەی بەوەکردووە، نرخەکەی بۆ ٢٠٠ لیتر ٥٥ هەزار دینار دەبێت.

ماوەی چەند رۆژێکە حکومەتی هەرێم دەستی بە دابەشکردنی نەوتی سپی کردووە و لە ناوچە ساردەکانەوە دەستی پێکردووە، وەک دەڵێن، بەردەوام دەبن.

ساڵی رابردوو تەنها چەند مەڵبەندێک نەوتی سپییان وەرگرت و نەوت نەدرا بە هەموو مەڵبەندەکان، هاوڵاتیان ناچاربوون سەرەڕای سەختی دۆخی دارایی و نەبوون و دواکەوتنی موچە؛ خۆیان بە نرخێکی بەرز "کە لە هەندێک شوێن بۆ بەرمیلێک (٢٠٠ لیتر) دەگەیشتە ١٥٠ هەزار" نەوت بکڕن، هەندێک ماڵیش زۆپای دار یان غازیان بەکاردەهێنا و ئەوەش گرفتێکی دیکەی دروستکردبوو، کە ئەگەری غازکردن و گڕگرتنیان هەبوو.

ئەوە سەرەڕای ئەوەی لەگەڵ هاتنی وەرزی سەرما کاتی پێدانی کارەبای نیشتیمانی بە هاوڵاتیان کەمدەبێتەوە و هاوڵاتیان جگە لە نەبوونی نەوت، کارەبای پێویستیشیان نییە بۆ بەکارهێنانی ئامێرە کارەباییەکان.

هـ.ئـ








گەلەری