کەشناسی عێراق پێشبینی کەشوهەوای بڵاوکردەوە و ئاماژە بە بەرزبوونەوەی پلەکانی گەرما دەکات بۆ سەروو ٤٠پلەی سەدی.
دەستەی کەشناسی عێراق راگەیەنراوێکی بڵاوکردەوە و تیایدا هاتووە، سبەی شەممە، لە ناوچەکانی هەرێمی کوردستان ئاسمان هەور دەبێت و ئەگەری نمەباران هەیە، لە ناوچەکانی ناوەڕاست و باشوریش ئاسمان نیمچە هەور دەبێت.
ئاماژەی بەوەشکردووە، سەبینێ پلەکانی گەرما لە تەواوی
ناوچەکانی وڵات بەرزدەبێتەوە، بەشێوەیەک لە پارێزگاکانی بەغدا و
واست دەگاتە ٤٣ پلەی سەدی و لە کەربەلا و بابل و نەجەفیش دەگاتە ٤٤ پلەی و لە پارێزگای
بەسڕەش پلەکانی گەرما دەگاتە ٤٦ پلەی سەدی.
سەبارەت بە رۆژی یەکشەممە،
کەشناسی عێراق پێشبینی کردووە، لە ناوچەکانی هەرێمی کوردستان و ناوەڕاست و باشوری
عێراق پلەکانی گەرما بەرزدەبنەوە و ئاسمان ساماڵ دەبێت.
دەڵێت، رۆژی دووشەممە ئاسمانی
هەرێم نیمچەهەور دەبێت و بەهۆی چالاکبوونی با ئەگەری بەرزبوونەوەی تۆزوخۆڵ هەیە و
پلەکانی گەرماش کەمێک دادەبەزن و لە ناوچەکانی ناوەڕاست و باشوری عێراقیش ئاسمان نیمچەهەور
دەبێت.
راگەیەنراوەکەی کەشناسی باسی
لەوەشکردووە، رۆژی سێشەممە ئاسمانی هەرێم و ناوچەکانی ناوەڕاست و باشوری عێراق
ساماڵ دەبێت و پلەکانی گەرماش کەمێک دادەبەزن.