بەپێی ئەنجامە بەراییەکان، رەجەب تەیب ئەردۆغان بە سەرۆک کۆماری تورکیا هەڵبژێردرایەوە و لە یەکەم وتاریشیدا رایگەیاند، سوپاسی گەلی تورکیا دەکات کە دووبارە متمانەیان پێبەخشیوەتەوە.
رەجەب تەیب ئەردۆغان لەدوای راگەیاندنی ئەنجامە بەراییەکان رایگەیاند، ئەوان ئاشقی ئەتستەنبووڵن چونکە رێپێوانەکەیان لەوێ دەستپێکردووە و هەر لەوێش بەردەوامی پێدەدەن، وتیشی، هەڵبژاردنی ئەمجارەی سەرۆکایەتی بەشداری هەموو گەلی تورکیای تێدا بووە.
ئاماژەی بەوەشدا، گەلەکەیان وای لێکردوون لە دیموکراسیەتدا بژین و سوپاسی
گەلی تورکیا دەکات.
ئەوەشی خستەڕوو، "دەبینە جێگای ئەو هەموو متمانەیەی پێمان بەخشراوە"،
دەشڵێت، "تورکیا لای ئێمە لە ئارامیدایە."
تاوەکو ئەم ساتە، ٪٩٨.٩٤ی دەنگەکانی هەڵبژاردنی سەرۆکایەتی کۆماری تورکیا
جیاکراونەتەوە و بەپێی ئەنجامە بەراییەکان، رەجەب تەیب ئەردۆغان کاندیدی هاوپەیمانی
کۆمار بە بەدەستهێنانی رێژەی ٪٥٢.٠٧ی دەنگەکان؛ زۆرترین دەنگی بەدەستهێنا و بۆ سێیەم
جار بە سەرۆک کۆماری وڵاتەکە هەڵبژێردرایەوە.
رکابەری ئەم خولەی پۆستی سەرۆک کۆماری تورکیا لە نێوان ڕەجەب تەیب ئەردۆغان
کاندیدی هاوپەیمانی کۆمار و کەمال کڵیچدارئۆغڵۆ کاندیدی هاوپەیمانی میللەتدا بوو.
بەپێی ئەنجامە بەراییەکان، کەمال کڵیچدار ئۆغڵۆی رکابەری ئەردۆغان رێژەی
٪٤٧.٩٣ی دەنگەکانی بەدەستهێناوە.