وەزیری دارایی هەرێم رایگەیاند، ئەوان پابەندی رێککەوتنەکانی نێوان و هەرێم و بەغدا و پرۆژەیاسای بودجەی ٢٠٢٣ دەبن و لە دەرەوەی ئەوانەش هەر گۆڕانکارییەک بکرێت بە ناسایی دەزانن.
ئەمڕۆ یەک شەممە، ئاوات جەناب وەزیری دارایی حکومەتی ماوەبەسەرچووی هەرێم لە کۆنفڕانسێکی رۆژنامەنوسیدا باسی لەوەکرد، ئەوان تەنها پابەندی رێککەوتنەکانی نێوان و هەرێم و بەغدا و پرۆژەیاسای بودجەی ٢٠٢٣ دەبن.
ئەوەشی
خستەڕوو، ئەو گۆڕانکارییانە پێچەوانەی دەستوور و رێککەوتنەکانی نێوان بەغدا و هەرێمن
و دەبنە هۆی دروستکردنی کێشە لە رێککەوتنەکاندا.
باسی
لەوەش کرد، لە دەرەوەی ئەو رێککەوتنانە هەر گۆڕانکارییەک لە پرۆژەیاسایی بودجەدا
کرابێت نایاساییە و پابەند نابن پێوەی.
وتیشی،
لیژنەی دارایی پەرلەمان ناتوانن بڕگە و یاسا زیاد بکەن بۆ پرۆژەیاسای بودجە و ئەو
گۆڕانکارییانە لە دژی رێککەوتنەکانی بەغدا و هەرێمن.
پێشتر،
حکومەتی ماوەبەسەرچووی هەرێم رایگەیاند، ئەوان پابەندی هیچ گۆڕانکارییەکی بودجەی
ساڵی ٢٠٢٣ نابن.