عێراق پرۆسەی جێبەجێکردنی پڕۆژەی هێڵی ئاسنینی رێگای گەشەپێدانی راگەیاند، کە تایبەتە بە هاتووچۆی بازرگانی نێوان عێراق و تورکیا لە بەندەری فاو.
ئەمڕۆ شەممە، بە ئامادەبوونی نوێنەری وڵاتانی جیهان و ئەنجوومەنی هەماهەنگی خەلیجی پڕۆژەی رێگای گەشەپێدان کە هێڵێکی ئاسنینی بازرگانییە لە نێوان عێراق و تورکیا خرایە بواری جێبەجێکردنەوە.
بودجەی پڕۆژەکە ١٧ ملیار دۆلارە و دەبێتە
هەنگاوێکی گرنگی ئابوری عێراق لە دوای چەندین جەنگ و قەیرانی دەیان ساڵە.
ئامانجی پڕۆژەی رێگای گەشەپێدان پێکەوەبەستنی
بەندەری فاوی دەوڵەمەند بە نەوتی باشوری عێراقە بە تورکیاوە بۆ ئەوەی عێراق بکات
بە ناوەندی پەڕینەوە و کەمکردنەوەی کاتی گواستنەوە لە نێو وڵاتانی ئاسیا و ئەوروپا
وەک هەوڵێکی رکابەری کەناڵی سوێس لە میسر.
فەرحان فەرتوسی بەڕێوەبەری گشتی بەندەرەکانی
عێراق بە ئاژانسی رۆیتەرزی راگەیاند، "رێگای گەشەپێدان تەنها رێگایەک نابێت بۆ
گواستنەوەی کەلوپەل و گەشتیاران، بەڵکو ئەو پڕۆژەیە دەبێتە دەرگایەکی کراوەی گەشەپێدانی
فراوان بۆ عێراق."
بەپێی پێشبینییەکانی حکومەتی عێراقی لە
رێگەی ئەو پڕۆژەیەوە بە شەمەندەفەرێک کەلوپەل و گەشتیاران بە خێرایی ٣٠٠ کیلۆمەتر
لە کاتژمێرێکدا دەگوازرێنەوە و جگە لەوەش هێڵەکانی ناوەندی پیشەسازی ناوخۆیی و وزەی
وەک بۆرییەکانی نەوت و غازی سروشتی فروان دەکات.
لە رێکەوتی ٢١ ئاداری ئەمساڵ محەمەد شیاع
سودانی سەرۆک وەزیرانی عێراق لەگەڵ رەجەب تەیب ئەردۆغان سەرۆک کۆماری تورکیا ریكکەوتن
بۆ بنیادنانی هێڵێ ئاسنین لە نێوان عێراق و تورکیا تایبەت بە گواستنەوەی کەلوپەل و گەشتیاران
و ناویان لێنا "پڕۆژەی رێگای گەشەپێدان".