PM:11:51:26/05/2023
2592 جار خوێندراوەتەوە
سەرۆکایەتی ئۆکرانیا رایگەیاند، پڕۆسەی ئاڵوگۆری سەربازانی دەستبەسەرکراو لەنێوان روسیا و ئۆکرانیا ئەنجامدراوە، بەهۆیەوە زیاتر لە ١٠٠ سەربازی ئۆکرانیا ئازادکراون.
ئاندرێ یەرماک، سەرۆکی نوسینگەی سەرۆکایەتی ئۆکرانیا بڵاویکردەوە، پرۆسەی گۆڕینەوە و ئاڵوگۆڕی سەربازە دەستبەسەرکراوەکان، لە نێوان ئۆکرانیا و روسیا ئەنجامدراوە و بەهۆیەوە ١٠٦ سەربازی ئۆکرانیا کە هەشتیان ئەفسەرن، ئازادکراون.
ئاماژەی بەوەش کرد، ئەو سەربازانەی گەڕێندراونەتەوە
ئۆکرانیا، ئەوانە بوون کە له با‌خمووت لە ئەرکدابوون و لەلایەن سوپای روسیاوە
بەدیل گیراون و زۆربەیان وەکو ونبوو ناوبرابوون.
ئەوەش لەکاتێکدایە، ماوەی ساڵێک و سێ
مانگە جەنگ لە نێوان روسیا و ئۆکرانیادا هەڵگیرساوە، وڵاتانی ئەوروپا و رۆژئاواش بەردەوامن
لەپاڵپشتی کردنی ئۆکرانیا و سەپاندنی سزا
بەسەر روسیادا.
