PM:09:53:26/05/2023
2016 جار خوێندراوەتەوە
سەرۆکی ئۆکرانیا رایگەیاند، روسیا لە شاری دنیبرۆ بۆردوومانی نەخۆشخانەیەکی کردووە و بەهۆیەوە کەسێک گیانیلەدەستداوە و ١٥ کەسی دیکەش بریندار بوون. میدیاکانی ئۆکرانیاش دیمەنی نەخۆشخانەکەیان پاش بۆردوومان بڵاوکردەوە.
ئەمڕۆ هەینی ڤۆلۆدیمیر زیلینسکی سەرۆکی ئۆکرانیا لە راگەیاندراوێکدا ئاماژەی بەوەکردووە، روسیا بۆردوومانەکانی سەر شاری دنیبرۆی چڕکردووەتەوە و تەنانەت نەخۆشخانە و شوێنی مانەوەی هاوڵاتیانی سڤیلیش بۆردومان دەکات.
باسی لەوەشکرد، لە ئێستادا تیمەکانی فریاگوزاری سەرقاڵی رزگارکردنی ئەو
کەسانەن کە لەژێر داروپەردووی نەخۆشخانەکەدا ماونەتەوە.
هاوکات میدیاکانی ئۆکرانیا ڤیدیۆی نەخۆشخانەکانی پاش بۆردوومانکردن
بڵاوکردەوە و سێرگی لیساک سەرۆکی بەڕێوەبەرایەتی سوپای ئۆکرانیا باسی لەوەکرد، شەوی
رابردوو روسیا بۆردوومانێکی چڕی لە شاری دنیبرۆ ئەنجامداوە و بەهۆیەوە چەند ماڵێکی
هاوڵاتیانیش گڕیگرتووە.
ئەوەش لەکاتێکدایە، ماوەی ساڵێک و سێ مانگە جەنگ لە نێوان ڕووسیا و ئۆکرانیادا
هەڵگیرساوە، وڵاتانی ئەوروپا و ڕۆژئاواش بەردەوامن لەپاڵپشتی کردنی ئۆکرانیا
و سەپاندنی سزا بەسەر ڕوسیادا.