بە رێکەوتنى ژمارەیەک هاوڵاتى عێراقى بۆ ئەنجام دانى حەج و عومرە
PM:01:11:26/05/2023
3308 جار خوێندراوەتەوە
شاندێکی عێراق لە وڵاتی سعودییە داوای کردووە، پشکی عێراق بۆ عەمرە زیاد بکەن و ژمارەی عەمرەکاران بەرز بکەنەوە بۆ ملیۆنێک و ٥٠٠ هەزار.
حەیدەر مەجید وتەبێژی ئەمینداری گشتی ئەنجومەنی وەزیرانی عێراق، رایگەیاند، شاندێکی عێراق لە سعودیە بەشدارن لە خولی پێنجەمی ئەنجومەنی هەماهەنگی نێوان سعودیە و عێراق و داوایان کردووە پشکی عەمرەکارانی عێراق زیاد بکرێت و ئاسان کاریان بۆ بکرێت.
وتەبێژی ئەمینداری گشتی ئەنجوومەنی وەزیرانی عێراق ئاماژەی
بەوەش کرد، شاندی عێراقی داوایان کردووە پشکی عەمرەکارانی عێراق بۆ ملیۆنێک و ٥٠٠
هەزار زیاد بکرێت.
ئەوە لە کاتێک دایە، ساڵانە هەزاران عێراقی بە مەبەستی
ئەنجامدانی رێوڕەسمی حەج و عەمرە روو لە وڵاتی سعودیە دەکەن و لە وەرزی حەجی
ئەمساڵ دا بەپێی ئاماری دەستەی باڵای حەج و عەمرەی عێراق، ٣٧ هەزار عێراقی رێوڕەسمی
حەج ئەنجام دەدەن.
