کونسوڵخانەى گشتى فەڕەنسا لە هەولێر پەیامێکى لەبارەى هێرشەکەى سەر فڕۆکەخانەى هەولێر بڵاوکردەوە و تیایدا سەرکۆنەى هێرشەکە دەکات.
کونسوڵخانەى گشتى فەڕەنسا لە هەولێر لە میانەى بڵاوکردنەوەى تویتێک لە هەژمارى فەرمى خۆى لە تویتەر بە زمانى کوردى سەرکۆنەى هێرشەکەى سەر فڕۆکەخانەى شارى هەولێرى کرد و هاوسۆزى و پشتیوانى فەڕەنساى بۆ حکومەتى هەرێمى کوردستان دوپاتکردەوە.
لە تویتەکەدا ئاماژە بەوە کراوە "ئهو هێرشه نوێیه دهستدرێژییهكی قبوڵنهكراوه
بۆ سهر سهروهری عێراق و سهقامگیری ههرێمی كوردستان".
داواش دەکات هەماهەنگى زیاتر لە نێوان حكومهتی ههرێمی كوردستان و حكومهتی
فیدراڵی عێراق ههبێت، بۆ ئهوهی ئهو جۆره كردهوانهی ناسهقامگیری بنبڕ بكرێن
و ئهنجامدهرانیشی دهستنیشان بكرێن.
بوونى ئەو جۆرە
هەماهەنگییەش له بهرژهوهندی ئاسایشی عێراقییهكان دەزانێت.
کاتژمێر ١١ و ٤٥ خولەکی
شەوی شەممەى رابردوو، لەرێگای فڕۆکەی بێ فڕۆکەوانی بۆمبڕێژکراوەوە هێرشکرایە سەر فڕۆکەخانەی
نێودەوڵەتی هەولێر و تیایادا شەش موشەک ئاڕاستەی فڕۆکەخانەکە کرا.