ئۆکرانیا رایگەیاند، روسیا هێرشە ئاسمانییەکانی بۆسەر شاری دنیپرۆی وڵاتەکەى چڕکردووەتەوە، هێزەکانیشیان ١٥ درۆنى روسییان تێکشکاندووە.
ئەمڕۆ دووشەممە، وەزارەتی بەرگری ئۆکرانیا بڵاویکردەوە، شەوی رابردوو روسیا لە رێگەی بەکارهێنانی فڕۆکەی بێفڕۆکەوان و موشکی کروزەوە هێرشێکی چڕ و بەرفراوانی کردووەتە سەر شاری دنیپرۆ لە باشوری رۆژهەڵاتی ئۆکرانیا و زیانی گەورەی بە شارەکە گەیاندووە.
بەرگری ئۆکرانیا ئەوەشی خستووەتەڕوو،
هێزەکانیان لە شاری دنیپرۆ، ١٥ فڕۆکەی بێفڕۆکەوانی
روسیا و چوار موشەک کروز کالیبەریان تێکشکاندووە.
وەزارەتی بەرگری ئۆکرانیا ئاشکراشیکردووە،
تەنها شەوی رابردوو روسیا ٦٥ هێرشی ئەنجامداوە
و ناوچەکانی نیشتەجێبوونی هاوڵاتیان و ژێرخانی ئابوری بەئامانج گرتووە و زیانی گەورەی
پێگەیاندوون.
ئەوەش لەکاتێکدایە، ماوەی ساڵیک و
سێ مانگە جەنگی ڕوسیا و ئۆکرانیا بەردەوامە، سەرکردەکانی وڵاتانی گروپی حەوتیش رایانگەیاند،
پشتیوانی ئۆکرانیا دەکەن و بەردەوامدەبن لە پێدانى چەک و کەرەستەى سەربازى.