ئاماژەی بەوەش کرد، پڕۆژە یاساکە هەموو بەندەکانی پەیوەست بە پاراستنی مافی کرێکارانی لە خۆ گرتووە و پێکهاتووە لە چەندین بڕیارى سوودمەند، بۆ کرێکارانی کەرتی تایبەت و کەرتی گشتی.

ئەوەشی خستەڕوو، زۆربەی یاسا هەموار کراوەکان هاوکاری وڵات دەبن لە دەستبەر کردنی خانەنشینی کرێکارانی کەرتی تایبەت و کەرتی گشتی، حکومەت ٨٪ بۆ ١٢٪ دەداتە خاوەن کار و ٥٪ دەداتە کرێکاری کەرتی رێکخراو.

هاوکات، حکومەت ١٥٪ی دەستەبەری خانەنشینی دەدات و کرێکاریش لە ماوەی ئیشکردنی دا ٥٪ وەک دەستبەری دەداتە خاوەن کار.

باسی لەوەش کرد، ژمارەی کرێکارانی کەرتی تایبەت لە عێراق شەش ملیۆن کەسە و ٩٠٪یان ناویان تۆمار نەکراوە و لەسەر دامەزراوەکان دەکرێتە مەرج کە ناوی کرێکارەکانیان لە لیستی حکومەت تۆمار بکەن و وتیشی، "ئەوەی کار بە رێنماییەکان نەکات سزا دەدرێت".

ئەوەشی ئاشکرا کرد، بە جێبەجێ کردنی پڕۆژە یاسای دەستبەری کۆمەڵایەتی کەمترین رێژەی مووچەی کرێکاران٣٥٠ هەزار دینار دەبێت و ئەگەر لەو کەمتر بێت خاوەن کار سزا دەدرێت و وەزارەتی کاروباری کۆمەڵایەتی لە هەوڵ دایە بۆ بەرز کردنەوەی رێژەی مووچە بۆ ٤٥٠ هەزار دینار.

لە رۆژی رابردوو لە دانیشتنێکی ئاسایی پەرلەمانی عێراق پڕۆژە یاسای دەستبەری کۆمەڵایەتی و خانەنشینی کرێکاران بە دەنگی زۆرینەی پەرلەمانتاران پەسەند کرا.