ئەوە لە کاتێکدا بوو، هەریەکە لە نەتەوە یەکگرتووەکان و تورکیا لە مانگی تەمموزی ساڵی رابردوودا نێوەندگیری لەرێککەوتننامەى دەریای رەشیان کرد بۆ یارمەتی دان و هاوکاری کردن لە رووبەڕوو بوونەوەی قەیرانی خۆراکی جیهانی کە بەهۆی شەڕی ئۆکرانیا و روسیاوە توندتر بوو.

رێککەوتننامه‌ی رێڕەوی دانەوێڵە لە ٢٢ی تەموزی ٢٠٢٢دا لە ئیستەنبوڵ لە نێوان تورکیا، ئۆکرانیا، روسیا و نەتەوەیەکگرتووەکان واژۆ کرا و رێککەوتننامه‌کەش‌ لە ١٩ی تشرینی دووەمی ٢٠٢٢ەوە بۆ ماوەی ١٢٠ رۆژ درێژ کرایەوە و بەرواری ١٩ی مانگی ئازار کۆتایی دەهات، دواى ئەو بەروارە جارێکى تر درێژ کرایەوەو بڕیاردرا تاکو ١٨ى ئایار بێت.

بە گوێرەی رێککەوتنەکە، ئەو کەشتیانەی بۆ وەرگرتنی دانەوێڵە لە ناوچە ئاوییەکانی تورکیاوە بەرەو ئۆکرانیا دەڕۆن پشکنینیان بۆ دەکرا و هەریەکە لە روسیا و ئۆکرانیا و تورکیا و نەتەوە یەکگرتووەکان پێکەوە کاریان دەکرد بۆ پێدانی مۆڵەت بە کەشتییەکان تاوەکو بە رێرەوەی گواستنەوەی دانەوێڵە هاتووچۆ بکەن.

بەگوێرەی رێککەوتننامەی دەریای رەش بۆ هەناردەکردنی دانەوێڵە بەپێی دەستپێشخەرییەکە ٣٠ ملیۆن تۆن گەنم و دانەوێڵە بە سەلامەتی لە بەندەرەکانی ئۆکرانیا هەناردە کراوە، کە زیاتر لە ٥٥%ی بۆ وڵاتانی تازە پێگەیشتوو هەروەها ٦%ی راستەوخۆ بۆ وڵاتانی تازە گەشەسەندوو نێردراوە.