وەزارەتی خوێندنی باڵای هەرێم رایگەیاند، لە پێناو بەرژەوەندی خوێندکاران و بۆ باشتر خۆ ئامادەکردنیان بڕیاریانداوە ماوەی پێشکەشکردن و ئەنجامدانی تاقیکردنەوەی توانستی خوێندنی باڵا درێژبکاتەوە.
وەزارەتی خوێندنی باڵای حکومەتی ماوەبەسەرچووی هەرێم راگەیەنراوێکی بڵاوکردەوە و تێیدا هاتووە، لە پێناو بەرژەوەندى گشتى و ڕەخساندنى دەرفەتى زیاتر بۆ پێشکەشکارانى خوێندنى ماستەر و دکتۆرا و رەخساندنی دەرفەتی زیاتر بۆیان بڕیارماندا بە درێژکردنەوەى ماوەى پێشکەشکردن و ئەنجامدانى تاقیکردنەوەى توانستى زانستى.
ئاماژە بەوەشدراوە درێژکردنەوەی ماوەی خوێندن و دواخستنی وادەی
تاقیکردنەوەکانی توانسی زانستی بەم شێوەیە دەبێت:
درێژکردنەوەى ماوه‌ی پێشكه‌شكردن بۆ دبلۆمی باڵا و ماسته‌ر و دكتۆرا تاوەکو
رێکەوتی ٤ی حوزەیران بەردەوام دەبێت.
تاقیکردنەوەی توانستی زانستی لە رێکەوتی
١٢ی حوزەیران ئەنجامدەدرێت.
پێشتر بڕیاربوو کۆتا وادەی پێشکەشکردن
بۆ خوێندنی ماستەر و دکتۆرا لە رێکەوتی ١٨ی ئەم مانگە بێت و تاقیکردنەوەی توانستی
زانستی لە رێکەوتی ٢٩ ئایار بەڕێوەبچێت.